65 سال پہلے اج دے دن، 10 دسمبر 1948 نوں اقوام متحدہ نے یونیورسل ڈیکلیریشن آف ہیومن رائیٹس لاگو ۔۔

65 سال پہلے اج دے دن، 10 دسمبر 1948 نوں اقوام متحدہ نے یونیورسل ڈیکلیریشن آف ہیومن رائیٹس لاگو کرن دی منظوری دیتی


ایس دن دی مناسبت نال پاکستانی سرکار نے لوکاں نوں امن، استحکام، تے ملک چ خوشحالی لئی منعقد کیتیاں جاون آلیاں تقریباں چ حصہ لین دی تحریک کیتی وے۔

ایس سال پاکستان چ امریکی سفارت خانے نے 16 دن لئی زنانیاں دی مار کٹائی دے خلاف تحریک چلائی، اج ایس تحریک دا اخری دن انسانی حقوق دے عالمی دن تے زنانیاں دی مار کٹائی دی روک وارے تقریبات منعقد کرواکے منایا گیا۔ ایس تحریک لئی امریکی سفارتی افسراں نے امریکی تبادلہ پروگرام چ حصہ لین آلے پاڑھواں، لوکاں دی چنگی زندگی لئی کوششاں کرن آلے لوک نمائیندیاں تے سکولاں چ پڑھن آلے پاڑھواں نال رل کے زنانیاں دی مار کٹائی دے خلاف تحریک لئی پاکستان بھر چ مختلف تقریباں منعقد کروائیاں۔

اج انٹرنیشنل یونیورسٹی چ چوٹی دیاں کارپوریشناں نے ٹھرک دی خاطر زنانیاں نال ہتھ چلاکی تے زبان درازی دی روک لئی قانون نافذ کرن دیاں کوششاں وارے گل بات کیتی، ایس گل بات چ 200 تو ودھ استاداں، سماجی کارکناں، امریکہ تعلیم حاصل کرن آلے پاڑھواں، یونیورسٹی چ پڑھن آلے پاڑھواں تے کم کاج کرن آلیاں زنانیاں نے حصہ لیا۔

ایس تقریب دا اہتمام امریکی سفارت خانے تے یو ایس - پاکستان وومینز کونسل نے کروایا، اج دی اے تقریب وی امریکہ دی ٹیک نال زنانیاں دی مار کٹائی دی روک لئی 16 دن لمی جاری تحریک دا حصہ سی۔ اے تحریک 25 نومبر 2013 نوں زنانیاں دی مار کٹائی دے خاتمے دے عالمی دن تے شروع ہوئی تے ایدا اخیر اج 10 دسمبر 2013 نوں انسانی حقوق دے عالمی دن تے ہوریہا وے۔