19ہزار افراد نے193ارب کے قرضے معاف کرائے

22 دسمبر 2009 منگل کو ایک خبر(VOA) کے مطابق عدالت عظمیٰ میں سٹیٹ بینک آف پاکستان نے ان 19ہزار افراد اور تنظیموں کی فہرست چیف جسٹس افتخارمحمد چوہدری کی سربراہی میں تین رکنی بنچ کے سامنے پیش کی جنہوں نے 1997ء سے 2009ء کے دوران بینکوں سے قرضے لیے جنہیں بعد میں معاف کردیا گیا۔ ان قرضوں کی مجموعی مالیت اصل بمع سود 193ارب روپے ہے۔
واضح رہے کہ سپریم کورٹ نے 2007ء کے اواخر میں از خود نوٹس لیتے ہوئے بینکوں اور مالیاتی اداروں سے قرضے معاف کرانے کے اس متنازع قانون کی وضاحت سٹیٹ بینک آف پاکستان سے طلب کی تھی لیکن اسی سال سابق صدر پرویز مشرف کی طرف سے ایمرجنسی لگا کر ججوں کو برطرف کرنے کے بعد اس مقدمے کی مزید سماعت نہ ہوسکی۔ اب عدالت عظمیٰ نے ایک بار پھر اس مقدمے کی کارروائی شروع کی ہے اور منگل کو ہونے والی سماعت میں سٹیٹ بینک کے وکیل نے عدالت کے حکم پر قرض معاف کرانے والوں کی فہرست پیش کی۔عدالت میں پیش کی گئی فہرست ان افراد پر مشتمل ہے جن کے ذمے کم سے کم پانچ لاکھ یا اس سے زائد رقم واجب الادا تھی۔
سٹیٹ بینک کے وکیل نے عدالت عظمیٰ کو بتایا کہ 1971ء سے 1997ء تک معاف کیے جانے والے قرضوں کی فہرست بھی تیار کی جارہی ہے۔ سپریم کورٹ کی ہدایت پر انھوں نے وعدہ کیا کہ دو فروری کو دوبارہ سماعت کے موقع پر عدالت کے سامنے ان 19ہزار افراد کے ناموں کی تفصیلات بھی پیش کی جائیں گی جنہوں نے پچھلی ایک دہائی کے دوران قرض معاف کرائے۔
عدالتی کارروائی کے بارے میں عدالتی معاون بیرسٹر عبدالحفیظ پیرزادہ نے صحافیوں کو بتایا کہ چیف جسٹس افتخار محمد چوہدری نے سماعت کے دوران کہا کہ جس طرح بینک قرض دیتے اور انہیں معاف کرتے ہیں وہ امتیازی قانون ہے اور فہرست کا جائزہ لینے کے بعد جن لوگوں نے قرضے معاف کرائے ان سے رقوم واپس لی جائیں۔
بیرسٹر پیرزادہ نے کہا کہ جب انھوں نے عدالت کو بتایا کہ اس پر بینکوں اور مالیاتی اداروں کی طرف سے مزاحمت درپیش ہوسکتی ہے تو جج صاحبان کا کہنا تھا کہ وہ اس کا مقابلہ کرنے کو تیار ہیں۔
گزشتہ ہفتے متنازع قومی مصالحتی آرڈیننس کو سپریم کورٹ نے کالعدم قرار دینے کے بعد اس قانون کے تحت فائدہ اٹھانے والے آٹھ ہزار سے زائد افراد کے خلاف بدعنوانی اور فوجداری کے مقدمات دوبارہ بحال کردیے تھے ۔ ملک کی اعلیٰ عدلیہ کے اس فیصلے کو خاصی پذیرائی ملنے کے ساتھ ساتھ ان مطالبات میں بھی تیزی آگئی ہے کہ سیاسی اثرورسوخ استعمال کرکے قرضے معاف کرانے والوں کے ناموں سے بھی قوم کو آگاہ کیا جائے۔

ڈپریشن میں کمی وٹامن ڈی سےممکن
مسلمان نقاش پانچ سو سال قبل بیسویں صدی کی ریاضی کے اصولوں سے واقف تھے
دنیا میں ایک گھنٹے میں ایک ہزار بچے موت کے منہ میں چلے جاتے ہیں | Altaf Gohar's Blog
الطاف گوہر کا بلاگ | 50 سال کی عمر کے بعد خواتین کو میموگرافی کی ضرورت ہوتی ہے
چینی کے مشروبات حاملہ عورتوں کے لیے نقصان دہ ​

 

جواب: 19ہزار افراد نے193ارب کے قرضے معاف کرائے

گو ہر جی بہت شکریہ اس شئیرنگ کے لئے

اور قرضے موٹی موٹی آسامیوں نے ہی معاف کرائے ہوں گے کیونکہ غریب عوام کو تو قرضے تک رسائی ہی نہیں تو معافی کیسی


ویسے ایک بات کہ آپ اتنی اچھی شئیرنگ کرتے کہاں گم ہو گئے تھے مناسب سمجھیں تو جواب ضرور دیں آپ کیی مزید تحریروں کا انتظار رھے گا

 

جواب: 19ہزار افراد نے193ارب کے قرضے معاف کرائے

یہ حقیقت ھے کہ عام آدمی کے معمولی معمولی قرضوں پر ھمارے بنک ان عام لوگوں کے لئے نوٹس کے اجراء کرنے میں دیر نہیں کرتے اور اپنے آدمی کے ساتھ سرکاری حکم نامہ گھر کی نیلامی کیلئے بھی بھیج دیتے ھیں،!!!!!

 

جواب: 19ہزار افراد نے193ارب کے قرضے معاف کرائے

شکریہ آپکے کمنٹس کا
میں آج کال اپنا بلاگ لکھتا ہوں کیونکہ تحاریر کو جابجا ادھر ادھر پبلش کرنے کی بجائے ایک جگہ آسانی سے رکھا جا سکتا ہے ، یہ فورم بھی میرا پسندیدہ ہے ، آتا جاتا رہو نگا
http://altafgohar.wordpress.com

 

جواب: 19ہزار افراد نے193ارب کے قرضے معاف کرائے

شکریہ محترم الطاف گوہر صاحب۔
ہماری اردو کی بزم آپ جیسے صاحب علم کی ہمیشہ قدرداں اورمنتظر ہے۔

 

جواب: 19ہزار افراد نے193ارب کے قرضے معاف کرائے

الطاف گوھر جی،!!!!

اسلام علیکم
آپکے بلاگ پر نظر پڑی بہت ھی خوبصورت تحریریں بہترین موضوعات کے ساتھ ھیں، آپکی انہیں تحاریر کیلئے ھم یہاں بھی منتظر رھیں گے،!!!!

 

جواب: 19ہزار افراد نے193ارب کے قرضے معاف کرائے

بلاشبہ آپ کا بلاگ تو معلومات کا خزانہ ھے بہت شکریہ گوھر جی اس کا لنک دینے پہ

 

جواب: 19ہزار افراد نے193ارب کے قرضے معاف کرائے

قرضے تو معاف کرالئے لیکن ان کے گناہ کون معاف کرئے گا،!!!!!

 

جواب: 19ہزار افراد نے193ارب کے قرضے معاف کرائے

اس شیئرنگ کا شکریہ