“ذ“ سے شروع ہونے والے اشعار

ذہنوں میں خیال جل رہے ہیں
سوچوں کے الاؤ سے لگے ہیں
(احمد ندیم قاسمی)

 

ذرا سی دیر ٹھہرنے دے اے غم دنیا
بلا رہا ہے کوئی بام سے اتر کے مجھے
( ناصر کاظمی)

 

ذرا سی بات پہ وہ ہو گیا خفا ہم سے
ذرا سی بات کا دل کو ہوا ملال بہت

 

ذکر دوزخ، بیانِ حور و قصور
بات گویا یہیں کہیں کی ہے
(فیض احمد فیض)

 

ذکر جب چھڑ گیا قیامت کا
بات پہنچی تیری جوانی تک

 

ذہن کا مشورہ ترکِ طلب بھی بر حق
ذہن کی بات قبولِ دلِ سادہ بھی تو ہو

 

ذرا وصال کے بعد آئینہ تو دیکھ اے دوست
ترے جمال کی دوشیزگی نکھر آئی

 

ذرا سی بات تھی اندیشہ ء عجم نے اسے
بڑ ھادیا ہے فقط زیب داستاں کے لئے

 

ذہن پہ چھائی ہوئی غم کی گھٹا ہو جیسے
درد میں ڈوبی ہوئی ساری فضا ہو جیسے
(کرشن ادیب)