“د“ سے شروع ہونے والے اشعار

دن بھر تو میں دنیا کے دھندوں میں کھویا رہا
جب دیواروں سے دھوپ ڈھلی تم یاد آئے
(ناصر کاظمی)

 

دل نے پھر یاد کیا برق سی لہرائی ہے
پھر کوئی چوٹ محبت کی اُبھر آئی ہے

 

دل دھڑکتا ہے تو دستک کا گماں ہوتا ہے
کر کے انکار بھی آ جاتے ہیں آنے والے

 

دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا

 

دِل ،ہائے میرا دِل ،مُشکِل، بن گیا

Hill،پہلے ہُوا Hill، کم ہوا تو یہ سِل بن گیا​

​

 

دنیا کی غزل تمام ہوئی
قافیہ رہ گیا محبت کا

جون ایلیا

 

دھوپ میں پھیلا دئیے کیوں تم نے یادوں کے گلاب
کیا اسی دن کے لیے مجھ سے یہ خط لکھوائے تھے

 

دیتے ہیں فتوے سب ہی مفتی بنے ہوئے ہیں
اس ملک میں فتووں کے بازار سجے ہوئے ہیں

 

دروازہ کھلا ہے کہ کوئی لوٹ نہ جائے
اور اس کے لیے جو کبھی آیا نہ گیا ہو

 

دیکھنا شوخی کہ مِلتے ہیں ستانے کے لیے
دل مِلاتے ہیں فقط آنکھیں لڑانے کے لیے
ناز

 

دانے پہ لگایا ہے مرے طائرِ دل کو
چھرہ نہیں کھایا ہے تری خاص رفل کا
سحر(امان علی)

 

دل اڑالے گئے جو تیر ستم
آرزو مٹ گئی ہماری آج
ناصر