“ت“ سے شروع ہونے والے اشعار

اس لڑی میں صرف “ت“ سے شروع ہونے والے اشعار شیئر کرنے ہیں۔


تمہارا نام لکھنے کی اجازت چھن گئ جب سے
کوئی بھی لفظ لکھتا ہوں تو آنکھیں بھیگ جاتی ہیں

 

تیز قدموں سے چلو اور تصادم سے بچو
بھیڑ میں سست چلو گے تو کچل جاؤ گے

 

تمام شہر میں اب تو ہے راج کانٹوں کا
مجھے قبول نہیں یہ سماج کانٹوں کا
چلو کہ کچھ تو تسلی ہوئی مرے دل کو
اسی میں خوش ہوں کہ پایا خراج کانٹوں کا

 

تڑپوں گا عمر بھر دلِ مرحوم کیلیے
کم بخت، نا مراد، لڑکپن کا یار تھا

 

تمام عمر کہاں کوئی ساتھ دیتا ہے
یہ جانتا ہوں مگر تھوڑی دور ساتھ چلو

 

تعلق ہے نہ اب ترک تعلق
خدا جانے یہ کیسی دشمنی ہے

 

تُو نشتر کی آب سے نہ گھبرا اے طبیب
بس میرا درد دیکھ ، چسکنا بے آب دیکھ

 

تمھارے خاک بسر کا ہے آسماں پہ دماغ
فروغ داغ سے دل برج آفتاب بنا
الماس درخشاں