۔::میری پسند۔::۔

نعیم بھائی ۔ بہت خوبصورت بات کی ۔
یعنی انسان کوئی بھی کلام سنے تو اس سے عشقِ حقیقی کی طرف دھیان ہو جائے۔ یہ بہت بڑی نعمت ہے۔ ماشاءاللہ

 

رو پڑا ہوں تو کوئی بات ہی ایسی ہوگی
میں کہ واقف تھا ترے ہجر کے آداب سے بھی

 

ہوائے شوق کے رنگیں دیار جلنے لگے
ہوئی جو شام تو جھکڑ عجیب چلنے لگے

نشیبِ در کی مہک راستے سجانے لگی
فرازِ بام کے مہتاب دل میں ڈھلنے لگے

وہاں رہے تو کسی نے بھی ہنس کے بات نہ کی
چلے وطن سے تو سب یار ہاتھ ملنے لگے

ابھی ہے وقت چلو چل کے اسکو دیکھ آئیں
نہ جانے شمسِ رواں کب لہوُ اگلنے لگے

منیر پھول سے چہرے پہ اشک ڈھلکے ہیں
کہ جیسے لعل سمِ رنگ سے پگھلنے لگے

(منیر نیازی)​