یہ کہیں خامیء ایماں ہی نہ ہو​ میں مدینے سے پلٹ آیا ہوں

میں کہ بے وقعت و بے مایہ ہوں​​

تیری محفل میں چلا آیا ہوں​​

​​

آج ہوں میں تیرا دہلیز نشین​​

آج میں عرش کا ہم پایہ ہوں​​

​​

چند پل یوں تیری قربت میں کٹے​​

جیسے اک عمر گذار آیا ہوں​​

​​

جب بھی میں ارضِ مدینہ پہ چلا​​

دل ہی دل میں بہت اِترایا ہوں​​

​​

تیرا پیکر ہے کہ اک ہالہء نور​​

جالیوں سے تجھے دیکھ آیا ہوں​​

​​

یہ کہیں خامیء ایماں ہی نہ ہو​​

میں مدینے سے پلٹ آیا ہوں​​

​​

احمد ندیم قاسمی رحمۃ اللہ علیہ​​

​

​

​

 

سید زبیب مسعود نے کمال ادا سے اس نعت شریف کو پڑھا ہے۔ سبحان اللہ

 

سبحان اللہ ۔ اللہ تعالٰی جزائے خیر عطا کرے آمین