یہ شان بندگی ہے کہ سر انور زمیں پر ہے ۔ شاکر بانکوی

یہ شان بندگی ہے کہ سر انور زمیں پر ہے
وہ شان مصطفائی ہے قدم عرش بریں پر ہے

بقیع پاک؛ جنت کی کیاری؛ گنبد خضرا
مدینے کے سوا ایسا حسیں منظر کہیں پر ہے ؟

یہ قرب و بعد منزل کیا ہیں وہ تو جاں سے اقرب ہیں
غلام ان کا جہاں پر ہے کرم ان کا وہیں پر ہے

اندھیری رات ہے بن ہے کوئی ساتھی نہیں آقا
قیامت ٹوٹنے والی مری جان حزیں پر ہے

فضیلت سب کو ہے تسلیم تیری قدر والی شب
مگر سچ ہے تجھے بھی ناز صبح بارہویں پر ہے

در اقدس پہ سجدے کو ترستی ہے یہ پیشانی
کروں کیا شرع کا پہرہ لگا میری جبیں پر ہے

یہ اپنی اپنی قسمت ہے نظر قرآن میں شاکر
وہابی کی " بشر" پر ہے مری " نورمبیں" پر ہے

از شاکر بانکوی ​

 

اللہ تعالیٰ آپ کو بھی جزائے خیر عطا کرے آمین