یہ شانِ بندگی اُن کی کہ سرفرشِ,زمیں پر ہے ۔ محمد مجاہد حسین رضوی

یہ شانِ بندگی اُن کی کہ سرفرشِ,زمیں پر ہے
مگر یہ پاؤں کاپایہ کہ وہ عرشِ بریں پرہے

محض اقرارایماں سےکوئی مومن نہیں ہوتا
مدار ایمان کا حب شہِ دنیا و دیں پر ہے

کلیم اللہ کی صورت,کہیں جانےکی کیا حاجت؟
نزولِ آیتِ قرآں جہاں , آقا, وہیں پر ہے

یہ ذرہ ہے مدینہ کا , گلی ہے وہ مدینہ کی
یہ بھاری چاندتاروں پرتووہ خلدِبریں پر ہے

ثریا سے ثریٰ تک دہر میں موجود ہر ذرہ
عیاں ختمِ رسالت کی نگاہِ دور بیں پر ہے

یہ کہ کرتم گناہوں پر کبھی اصرار مت کرنا
گنہ گاروں کی بخشش رحمۃ للعالمین پر ہے

اجالاہےحسنؔ دن میں اُن ہی کےروئےتاباں سے
سیاہی شب کی قائم ان کےزلفِ عنبریں پر ہے.

محمد مجاہد حسین رضوی
حسن الہ آبادی
دارالعلوم غریب نواز، الہ آباد ​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

آمین