یہ بزمِ کائنات ہے سرکار ﷺ کے سبب ۔ ڈاکٹر محمد سرور قادری الہ آباد

یہ بزمِ کائنات ہے سرکار کے سبب
سب روشنی ہے صاحبِ انوار کے سبب

سَازِ نَفَس ہے یادِ مدینہ سے منسلک
قائم بَہارِ زِیست ہے اِس تار کے سبب

دیدارِ مصطفیٰ کے تَصوُّر نے دور کی
وَحشَت جو تھی لحِد کی شبِ تار کے سبب

مَحشَر کی دھوپ، بارِ گُنَہْ، شورِ دَار و گیر
سب دور غم ہوئے نِگَہِ یار کے سبب

بیشک رِدائے مُصطفیٰ عاشق نے پائی ہے
اپنے حسین نعتیہ اشعار کے سبب

ہم اہلِ حق کو ناز ہے محشر میں بالیقیں
"جنت ملے گی الفتِ سرکار کے سبب"

تو بے حساب بخش دے سرور کو اے خدا
آقا کے اشکہائے گُہربار کے سبب
-----
از۔۔۔ڈاکٹر محمد سرور قادری
الہ آباد​

 

اللہ تعالیٰ آپ کو بھی جزائے خیر عطا کرے آمین