یہی ہے عشق و مستی کا قرینہ ۔۔ شیخ صدیق ظفرؔ

یہی ہے عشق و مستی کا قرینہ
رہے پیشِ نظر ہر دم مدینہ

جھُکا ہے سر نبیﷺ کے آستاں پر
خُداوندا یہ سر اُٹھے کبھی نہ

زمانے بھر کی خوشبوؤں سے بڑھ کر
ہے اُنؐ کے جسمِ اطہر کا پسینہ

فروزاں جس سے ہیں سارے زمانے
مرے آقاﷺ وہ تابندہ نگینہ

مرے سرکارﷺ جس کے نا خُدا ہوں
وہ کیوں پہنچے نہ ساحل تک سفینہ

خطاکار آئے ہوں گے اُنؐ کے در پہ
نہ ہو گا کوئی بھی مُجھ سا کمینہ

تونگر ہوں نہاں سینے میں میرے
ظفرؔ عشقِ نبیﷺ کا ہے خزینہ
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین