یوں ہوا جب وہ ماہِ تمام آ گیا ۔ محمد عمران شریف

نعت رسول مقبول ﷺ
----
یوں ہوا جب وہ ماہِ تمام آ گیا
رات کو روشنی کا پیام آ گیا​

حکمِ سرکار کا معجزہ دیکھیے
پتھروں کو بھی کرنا کلام آ گیا

سب غموں کے ستائےہوؤں کے لیے
لے کے خوشیوں کا وہ ہے پیام آ گیا

عرش تا فرش بس نور ہی نور ہے
سارے نبیوں سے اعلی امام آ گیا

آمنہ کے مقدر پہ لاکھوں سلام
جس کے گھر میں وہ خیرلانام آ گیا

میرے بگڑے ہوئے کام ہونے لگے
میرے ہونٹوں پہ آقا کا نام آگیا

ورنہ محشر میں سنتا نہ کوئی مری
ذکر سرکار کا میرے کام آگیا

ہو قبول اب گدائی یہ عمران کی
تیرے در تک یہ تیرا غلام آ گیا
----
محمد عمران شریف
​

 

سبحان اللہ

 

اللہ تعالیٰ آٌپ کو بھی جزائے خیر عطا کرے آمین

 

اللہ تعالیٰ آٌپ کو بھی جزائے خیر عطا کرے آمین