یوں صحابہ ہیں،محمد مصطفیٰ کے سامنے ، غلام جیلانی علیمی

یوں صحابہ ہیں،محمد مصطفیٰ کے سامنے
جیسے پروانے رہیں،جلتے دِیا کے سامنے

رب تعالیٰ کا کلامِ پاک میں ارشاد ہے
مت کرو اونچی صدا، اُن کی صدا کے سامنے

ہم غلامانِ نبی ہیں،ہم سے مت اُلجھا کرو!
ہم نہیں جُھکتے کبھی ظلم و جفا کے سامنے

اِک دفعہ جو بِک گیا آقا تمہارے نام پر
بِک نہیں سکتا کسی فرماں روا کے سامنے

اُن کی مدحت بندگی ہے،رات دن نعتیں لکھو
لے کے جانا ہے یہی تحفہ خدا کے سامنے

بھیک دینے کا حسیں انداز اُن کا دیکھئیے
خود اُٹھا کے رکھتے ہیں حصہ گدا کے سامنے

حشر میں پیارے نبی سجدے میں جائیں گے،سحر
رَبِّ ھَب لِی اُمَّتِی کہہ کر،خدا کے سامنے

غلام جیلانی علیمی
سحر بلرامپوری​

 

اللہ تعالیٰ آپ کو بھی جزائے خیر عطا کرے آمین