یوں تو ہر اک پھول میں تھا رنگِ رخسارِ چمن ۔۔۔ ایاز صدیقی

یوں تو ہر اک پھول میں تھا رنگِ رخسارِ چمن
اک گلابِ ہاشمی ہے صرف شہکارِ چمن

آپ کی مرضی جسے چاہیں مدینے میں بلائیں
یعنی ہر غنچہ نہیں ہوتا سزاوارِ چمن

حلقۂ خوابِ نظر ہے سبز گنبد کا خیال
"سرو ہے با وصفِ آزادی گرفتارِ چمن "

ہے تصور میں مدینے کی گلاب افشاں بہار
میرے دروازے تک آ پہنچی ہے دیوارِ چمن

یارِ غارِ مصطفےٰ ، فاروق و عثمان و علی
سروِ رنگ و نور ہے ایک ایک کردارِ چمن

اے بہارِ دینِ فطرت اک نگاہِ گل طراز
بے زرِ گل سرد ہے مدت سے بازارِ چمن

گلشنِ دیں کے خس و خاشاک چنتا ہوں ایاز
برگ و گل کہتے ہیں مجھ کو بار بردارِ چمن
٭٭٭
ثنائے محمدﷺ ... ایاز صدیقی
​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین