یا رب کرم ہو مجھ پہ تِرا ، بے مثال ہو ۔۔ محمد احمد زاہد سانگلہ ہل

یا رب کرم ہو مجھ پہ تِرا ، بے مثال ہو
جاؤں نبی ﷺ کے در پہ میں ، کچھ تو کمال ہو

رب کے حبیب پاک ﷺ سے کرتا ہو عشق جو
جینا یہاں پہ کس طرح اس کا محال ہو

دل میں ہے کیا غلام کے وہ ﷺجانتے ہیں سب
جب بھی ہوں مشکلات، لبوں پر سوال ہو

اے کاش ہو نصیب تِرے ﷺ در کی حاضری
خواہ زندگی کا میری آخری وہ سال ہو

مردان ِ عرب سر کٹائیں ان ﷺ کے نام پر
ہوتا ہے یہ وہیں جہاں رُخ پر جمال ہو
---
محمد احمد زاہد سانگلہ ہل
67 واں فی البدیہ طرحی مشاعرہ 17 تا 18 دسمبر 2018
فیس بک ٹائمز انٹرنیشنل

​

 

اے کاش ہو نصیب تِرے ﷺ در کی حاضری
خواہ زندگی کا میری آخری وہ سال ہو​

 

سبحان اللہ ـ جزاک

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین