ہے بجلیوں کی زد میں میرا یہ آشیانہ ---برائے اصلاح

شکیل احمد خان
محمد سعید سعدی
زنیرہ عقیل
---------
ہے بجلیوں کی زد میں میرا یہ آشیانہ
اپنے کرم سے یا رب تُو ہی اسے بچانا
-----------
ملنے کی یار تجھ سے خواہش بہت ہے لیکن
حالات کہہ رہے ہیں ملنے ابھی نہ جانا
---------------
چہرہ چھپا کے ملنا اب ہو گیا ضروری
کس کو خبر تھی اس کی آئے گا یہ زمانہ
--------------
اتنا خیال رکھنا ، ملنے مجھے جو آؤ
تم فاصلے پہ رہنا میرے نہ پاس آنا
-------------
ملنے کو دل تو چاہے لیکن عزیز جاں ہے
ملتے رہیں گے پھر بھی پہلے ہے جاں بچانا
---------
رشتے رہیں گے باقی جیتے رہے اگر ہم
خطرے میں پڑ کے مجھ سے ملنے کبھی نہ آنا
-----------
صحت نہیں ہے اچھی کمزور بھی ہو ارشد
اس حال میں ہے غفلت مرنے کا اک بہانہ
-------------

 

ماشاء اللہ بہت خوبصورت غزل
اشتراک کا بہت بہت شکریہ

 

ہے بجلیوں کی زد میں میرا تو آشیانہ

 

واہ واہ واہ!

 

۔۔۔۔۔۔۔یہ بھی ٹھیک ہے مگر یہ بھی دیکھ لیجیے گا
کس کو خبر تھی ہوگا ایسا بھی اک زمانہ
۔۔۔۔۔۔۔۔یا۔۔۔۔۔۔۔۔۔۔۔
کس کو خبر تھی ہم تم دیکھیں گے یہ زمانہ

 

بس فاصلے پہ رہنا نزدیک تم نہ آنا

 

ملنے کو جی تو چاہے لیکن عزیز جاں ہے

 

واہ ، سبحان اللہ!

 

اسے اور جاندار ، شاندار بنانے کی ضرورت ہے کہ فکر کے سفر کا یہی تو ٹرمینس (terminus)ہے۔۔۔۔۔۔۔۔۔۔۔۔۔۔۔۔
صحت نہیں ہے اچھی کمزور بھی ہو ارشد
ایسے میں شعرکہنا باتوں کا ہے بہانہ
۔۔۔۔یا۔۔۔
ایسے میں شعر کہنا ہے بات کا بہانہ