ہیں مدینے میں سب یہ کہتے ہیں ۔۔۔ بے ہوش محبوب نگری

ہیں مدینے میں سب یہ کہتے ہیں
میرے دل میں حضورﷺ رہتے ہیں

جو ہیں ان کے رہیں گے ان کی طرف
کب زمانے کے ساتھ بہتے ہیں

ہم کو طوفاں ڈرا نہیں سکتے
ان کے در سے چمٹ کے رہتے ہیں

حوصلہ ہے فقط حضورﷺ کا یہ
کہ دعا دے کے ظلم سہتے ہیں

مرتبت یہ ہیں انبیاء کے امام
سب سے آگے حضورﷺ رہتے ہیں

جو بھی آیا وہ تشنہ لب نہ رہا
یہاں دریا کرم کے بہتے ہیں

ہوش سے بے نیاز ہے بے ہوشؔ
ہوشِ کل ساتھ ساتھ رہتے ہیں
٭٭
بے ہوش محبوب نگری​

 

اللہ تعالیٰ آپ کو بھی جزائے خیر عطا کرےآمین