ہیں سر پہ مرے احمدﷺ مشکل کشا کے ہاتھ ۔۔۔ سبحان الدین گل بخشالوی

ہیں سر پہ مرے احمدﷺ مشکل کشا کے ہاتھ
دیکھے تو مجھ کو نارِ جہنم لگا کے ہاتھ

منظر نظر کے سامنے ہوتا ہے نور کا
لیتا ہوں جب بھی نام مدینہ اُٹھا کے ہاتھ

میرے نبیﷺ کے حسن میں کعبے کا نور ہے
جاتے ہیں اُس کی دید کو عاشق کٹا کے ہاتھ

لب پر مرے درودِ محمدﷺ ہو اُس گھڑی
زنجیر زندگی کی جو کھولے، قضا کے ہاتھ

یارب مری حیات کا جب ہو چراغ گلؔ
محراب مصطفےٰﷺ میں کھڑا ہوں اُٹھا کے ہاتھ
٭٭٭
گلستانِ نعت ۔۔ سبحان الدین گل بخشالوی

​

 

اللہ تعالیٰ آپ کو بھی جزائے خیر عطا کرے آمین