ہیں بشر یا میں ان ﷺ کو نور کہوں ۔۔۔ محمد عمران شریف

ہیں بشر یا میں ان ﷺ کو نور کہوں
کم ہے ،ان ﷺ کے، جو بھی حضور کہوں

شہرِ طیبہ کے کنوئیں کا پانی
زم زم و کوثر و طہور کہوں

ہیں مکاں لا مکاں میں جلوہ گر
سامنے ہوتے، کیسے دور کہوں

لمحہ لمحہ وہ ﷺ ساتھ رہتے ہیں
کیوں میں دوری سے خود کو چور کہوں

ان ﷺکے تلووں تلے ہے باب ارم
اسے نعلین کا غرور کہوں

ہے تجلی قدم قدم پہ وہاں
ارضِ طیبہ کو مثلِ طور کہوں

ان ﷺ سا عمران کو ئی ہے ہی نہیں
ان ﷺ سا کو ئی ہو تو ضرور کہوں
-----
محمد عمران شریف​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین