ہو قول مصطفی ص کا نبھایا حسین نے۔

ہر قول مصطفی ص کا نبھایا حسین نے۔

کیا جلوہ کربلا میں دکھایا حُسین نے
سجدے میں جا کے سر کو کٹایا حُسین نے

خوش بخت تھا کہ آپ کے قدموں پہ آ گرا
سویا نصیب حُر کا جگایا حُسین نے

نیزے پہ سر تھا اور زباں پر تھیں آیتیں
قرآن اس طرح بھی سنایا حُسین نے

راہِ خدا میں جان کی بازی لگا گئے
پیشِ یزید سر نہ جھکایا حُسین نے

نانا کے پاک نام پہ ہر چیز وار دی
کچھ بھی نہ اپنے پاس بچایا حُسین نے

کیوں آپکو نہ اپنے نواسے پہ ناز ہو
ہر قول مصطفی کا نبھایا حُسین نے

اکبر کی خشک آنکھوں سے آنسو چھلک پڑے
صغرٰی کا جب پیام سنایا حُسین نے

ایسا لگا کہ دیکھ کے حوریں بھی رو پڑیں
قاسم کی لاش کو جو اُٹھایا حُسین نے

صدمے سے قدسیوں کی بھی چیخیں نکل گئیں
اصغر کو جب گلے سے لگایا حُسین نے

فیضان وہ تو ساقئی کوثر کے لال تھے
کیسے کہوں کہ آب نہ پایا حُسین نے

(فیض رسول فیضان)

اللھم صل علی سیدنا محمد وعلی آلہ وصحبہ وبارک وسلم ​

 

جواب: ہو قول مصطفی ص کا نبھایا حسین نے۔

سبحان اللہ ۔

 

جواب: ہو قول مصطفی ص کا نبھایا حسین نے۔

بھت شکریہ برادر من!

 

جواب: ہو قول مصطفی ص کا نبھایا حسین نے۔

جزاک اللہ خیر

 

جواب: ہو قول مصطفی ص کا نبھایا حسین نے۔

سبحان اللہ ۔ ،