ہم کو یوں عشقِ محمدﷺ کا صلہ ملتا ہے ۔۔۔ غلام ربانی فداؔ

ہم کو یوں عشقِ محمدﷺ کا صلہ ملتا ہے
بندگی کرتے ہوئے ہم کو خدا ملتا ہے

عشقِ احمدﷺ میں ہوئے گم تو حقیقت یہ ہے
نعت گوئی میں عجب ہم کو مزہ ملتا ہے

پڑھتے رہتے ہیں عقیدت سے درود اور سلام
غنچۂ حسرتو ارمان کھلا ملتا ہے

لعنت و قہرِ الہی کے سوا اے یارو
منکرِ عظمتِ سرکارﷺ کو کیا ملتا ہے

دور ہو جاٍتا ہے گستاخِ محمد، حق سے
مصطفیٰﷺ والوں کو بس قربِ خدا ملتا ہے

جس نے سرکارِ دو عالمﷺ کی اطاعت کی ہے
اس کو گلزارِ ارم پھولا پھلا ملتا ہے

دامنِ آلِ نبیﷺ تھام لیا ہے جب سے
اس فداؔ کو بھی عقیدت کا صلہ ملتا ہے
٭٭٭
غلام ربانی فداؔ ۔۔۔ گلزَارِ نعتﷺ​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین