ہم درِ مصطفیٰﷺ پہ جائیں گے ۔۔ شیخ صدیق ظفرؔ

رنج و آلام جب ستائیں گے
ہم درِ مصطفیٰﷺ پہ جائیں گے

اُنؐ کے درِ پر جبیں جھُکائیں گے
زندگی بھر نہیں اُٹھائیں گے

تکتے جائیں گے گنبدِ خضریٰ
پیاس نظروں کی ہم بجھائیں گے

آپﷺ کے نقشِ پا کی خاکِ شفا
شہرِ طیبہ سے لے کے آئیں گے

ساری دُنیا کے عالم و فاضل
آپﷺ کے در سے نُطق پائیں گے

آپﷺ کی سیرتِ مُنوّر کو
مشعلِ راہ ہم بنائیں گے

جب ظفرؔ خواب میں حضورؐ آئے
بخت سوئے مرے جگائیں گے
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین