ہم درِ مصطفیٰﷺ پہ جائیں گے ۔۔ شیخ صدیق ظفرؔ

ہم درِ مصطفیٰﷺ پہ جائیں گے
خالی کشکول بھر کے لائیں گے

وہ جو بن مانگے دینے والے ہیں
ہم بھی خیرات اُنؐ سے پائیں گے

آپﷺ کا نقشِ پا جہاں ہو گا
ہم وہاں پر جبیں جھُکائیں گے

آمدِ مصطفیٰﷺ کے چرچے ہیں
ہم بھی دِل کا مکاں سجائیں گے

رُخِ زیبا کی اک جھلک پا کر
عمر بھر ہم خوشی منائیں گے

حمدِ باری بھی ہر جگہ پر ہم
نعت بھی جا بجا سنائیں گے

مُجھ سے بے بال و پر ظفرؔ کے گھر
اِک نہ اِک دِن حضورﷺ آئیں گے
٭٭٭
خزینۂ حمد و نعت ﷺ ۔۔۔ شیخ صدیق ظفرؔ
​

 

اللہ تعالیٰ آپ کو بھی جزائے خیر عطا کرے آمین