ہم جنس پرستوں کا اجلاس، عوام کا احتجاج

پاکستان کی مذہبی جماعتوں نے ایک بیان میں اسلام آباد میں امریکی سفارتخانے میں ہم جنس پرستوں کے لیے کی جانے والی ایک تقریب کی مذمت کی ہے۔

امریکی سفارتخانے کی ویب سائٹ کے مطابق چھبیس جون کو امریکی سفیر نے ہم جنس پرست گروپوں کو سفارتخانے مدعو کیا تھا اور ان کو ان کے حقوق کی یقین دہانی کرائی تھی۔

کلِک ہم جنس پرستوں کی تقریب پر شور کیوں؟ مذاکرہ

سفارتخانے کے بیان کے مطابق اس اجتماع میں تقریباً 75 افراد نے شرکت کی جن میں سفارتخانے کا عملہ، امریکی فوجی، غیر ملکی سفارتکار، پاکستان میں ایڈووکیسی تنظیموں اور ہم جنس پرستوں کے پاکستان چیپٹر کے رہنما شامل تھے۔

جماعت اسلامی سمیت مختلف مذہبی جماعتوں کی جانب سے جاری ہونے والے ایک کلِک مشترکہ بیان میں امریکی سفارتخانے میں ہونے والی اس تقریب کی سخت الفاظ میں مذمت کی گئی ہے۔

بیان کے مطابق علماء نے کہا کہ امریکی حکمرانوں نے اسلام اور پاکستان کے ساتھ دشمنی کی تمام حدوں کو پار کر دیا ہے۔ بیان میں مزید کہا گیا ہے کہ امریکی سفاتخانے کی طرف سے ہم جنس پرستوں کے اجتماع کا اہتمام کرنا، ڈرون اور میزائل حملوں کے بعد سب سے بڑا اور خطرناک حملہ ہے۔ اس کو ’معاشرتی دہشت گردی‘ اور دین اسلام کے خلاف ایک سازش قرار دیا گیا ہے۔

بیان میں حکومتِ پاکستان سے مطالبہ کیا گیا ہے کہ وہ اس اجتماع کا نوٹس لے اور جن افراد نے اس میں شرکت کی ہے ان کو گرفتار کر کے ان کے خلاف حدود آرڈیننس کے تحت مقدمہ چلائے۔

اس مذمتی بیان میں جماعت اسلامی کے علاوہ مرکزی جمعیت اہل حدیث، وفاق المدارس، جامعہ اشرفیہ اور جے یو آئی (س) شامل ہیں۔

بحوالہ بی بی سی اردو

 

جواب: ہم جنس پرستوں کا اجلاس، علماء کا احتجاج

ہماری اخلاقیات کے دیوالیہ پن کا یہ عالم ہے کہ کل وزیر اعظم پاکستان امریکن ایمبیسی میں امریکن یوم آزادی کی تقریب میں موجود تھے لیکن انہوں نے کسی قسم کا کوئی ردعمل نہیں دیا۔

نہ ہی اس خبر پر کسی سیاسی جماعت نے کوئی ردعمل دیا۔

آج امریکہ یہ حرکت کررہا ہے کہ ہم جنس پرستوں کی تقریبات کررہا ہے کل کلاں اس گھناؤنے فعل کو پھیلانے کے لئے کیری لوگر بل کی مد میں حکومت کو پیسے بھی دے سکتا ہے کہ اس برائی کو پھیلاؤ۔

 

جواب: ہم جنس پرستوں کا اجلاس، علماء کا احتجاج

روشن خیالی ۔ آزاد خیالی ۔ جدت پرستی ۔ ماڈرنزم ۔ مغربی جمہوریت ۔ مغربی تہذیب ۔
یہ سب شیطانی اصطلاحات ہیں جو اسلام کی جڑوں کو کھوکھلا کرنے کے لیے دنیا میں‌عام ہیں ۔ اور بدقسمتی سے ہمارے ملک کے اندر بھی ایلیٹ اس پر فخر کرتے ہیں اور اسکو فروغ دینے کے لیے کوشاں ہیں۔
اور ہمارے انتہا پسند اور قدامت پسند مذہبی طبقات بھی اس فکر کو "درست ثابت" کرنے کے لیے جانے انجانے میں غیر دانشمندانہ کردار ادا کیے جارہے ہیں۔

ضرورت اس امر کی ہے کہ اعتدال ، منطق ، دانشمندی و روادار ی کے ساتھ برائی کو برائی اور اچھائی کو اچھائی کو ثابت کرکے اپنی اقدار کی حفاظت کی جائے۔

 

جواب: ہم جنس پرستوں کا اجلاس، علماء کا احتجاج

Fawad – Digital Outreach Team – US State Department

اسلام آباد کے امريکی سفارت خانے ميں جس تقريب کے حوالے سے فورمز پر بحث کی جا رہی ہے اور جسے پاکستانی معاشرے کے خلاف ايک سازش قرار ديا جا رہا ہے، وہ سراسر بہتان اور الزام ہے۔

يہ تقريب دراصل "گلفا" نامی ايک تنظيم کی جانب سے سلسلہ وار تقاريب کے تسلسل ميں منعقد کی گئ تھی۔ يہ تنطيم امريکی حکومت اور بين الاقوامی امور سے متعلق امريکی ايجينسيوں ميں کام کرنے والے ہم جنس افراد اور ان کے خاندانوں کی نمايندگی کرتی ہے۔

حقیقت يہ ہے کہ ہر سال جون کے مہينے کو يہ تنظيم ہم جنس افراد کی معاشرے میں خدمات کے اعتراف ميں "پرائڈ منتھ" کے نام سے مناتی ہے۔

پاکستانی معاشرے کے خلاف منصوبہ بندی کے حوالے سے لگاۓ جانے والے الزامات اور کہانياں اس ليے بھی بے معنی اور غير منطقی ہیں کيونکہ "پرائڈ منتھ" کے سلسلے ميں دنيا بھر ميں امريکی سفارت خانوں ميں تقريبات کا انعقاد کيا گيا

http://estonia.usembassy.gov/pr_060311.html

http://caracas.usembassy.gov/news-e...ian-gay-bisexual-transgender-pride-month.html

http://chennai.usconsulate.gov/lgbt2011_110624.html

http://bulgaria.usembassy.gov/pr_05262011.html

میں يہ بھی واضح کر دوں کہ امريکی وزير خارجہ ہيلری کلنٹن نے اسی روز اس حوالے سے خطاب بھی کيا جس ميں اس بات کو اجاگر کيا گيا کہ امريکی حکومت دنيا بھر ميں ہم جنس افراد کے حقوق کی تائيد ميں جون کے مہينے کو اس ايشو سے منسوب کرتی ہے۔

http://www.state.gov/secretary/rm/2011/06/167144.htm

دنيا بھر کے ممالک میں عوامی سطح پر سفارت کاری کے ضمن ميں قونصل خانوں اور سفارت خانوں کی اہم ذمہ داريوں میں يہ شامل ہوتا ہے کہ معاشرے کے ہر گروہ سے تعلقات استوار کيے جائيں تا کہ مختلف ثقافتوں کے مابين گفت وشنید اور بہتر آگاہی کو فروغ ديا جا سکے۔

امريکی سفارت خانے ميں ہونے والی تقريب معاشرے کے ہر طبقے کے ساتھ روادری کے اظہار کے ليے جاری عالمی سفارتی کاوشوں کا حصہ تھی۔ تقريب امريکی سفارت خانے کی چارديواری کے اندر مروجہ سفارتی قواعد وضوابط کے عين مطابق ہوئ جس ميں کسی کو بھی اس کی مرضی کے خلاف شرکت کے ليے مجبور نہيں کیا گيا۔

آخر میں يہ ثابت کرنے کے ليے کہ اسلام آباد کے سفارت خانے میں ہونے والی تقريب صرف پاکستان کے عوام کے ليے منعقد نہيں کی گئ تھی، امريکی حکومت کے مختلف اداروں میں ماہ جون کے دوران گلفا کی جانب سے منعقد کی جانے والی تقاريب کی لسٹ آپ اس ويب لنک پر ديکھ سکتے ہيں۔

http://mmsweb.a.state.gov/asp/notices/dn_temp.asp?Notice_ID=9677

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/pages/USUrduDigitalOutreach/122365134490320?v=wall

 

جواب: ہم جنس پرستوں کا اجلاس، علماء کا احتجاج

آپ ہی کا انتظار تھا فواد بھائی
میں کافی دنوں سے انتظار کررہا تھا کہ آپ اپنے آقاؤں کی ترجمانی کرنے کب آئیں گے اور انتظار کی گھڑیاں ختم ہوگئیں۔

اگر امریکہ نے ہم جنس کی گندگی کو فروغ دینا ہے تو اپنے ملک میں دے دوسرے ممالک میں‌اسے ایسا کرنے کا کوئی حق نہیں پہنچتا۔ پاکستانی عوام کو اس سے دور رکھا جائے۔ ہمارے مذہب میں ایسی چیزوں کی سختی سے ممانعت ہے۔

 

جواب: ہم جنس پرستوں کا اجلاس، علماء کا احتجاج

Fawad – Digital Outreach Team – US State Department

جيسا کہ ميں نے اپنی گزشتہ پوسٹ ميں نشاندہی کی تھی کہ مذکورہ تقريب امريکی سفارتی مشن کی قائم کردہ حدود کے اندر منعقد کی گئ تھی۔ يہ ايک مصدقہ اور تسلیم شدہ روايت ہے کہ سفارت خانے بیرونی ممالک میں گفت وشنید اور ميل ملاپ کے ذريعے اپنے ملک کی نمايندگی کرتے ہيں۔

اس ضمن ميں نا تو کوئ قانون توڑا گيا اور نہ ہی سفارت خانے کا مقصد نفرت يا تشدد کی فضا پيدا کرنا تھا۔ جيسا کہ ميں نے واضح کيا تھا کہ کئ ممالک میں امريکی سفارت خانوں نے اسی قسم کی تقاريب منعقد کی تھيں۔ حکومت پاکستان سميت کسی بھی ملک کی جانب سے سرکاری سطح پر نہ تو کوئ اعتراض کيا گيا اور نہ ہی سرکاری چينلز سے کو‏ئ احتجاج موصول ہوا۔

يہ ايک مسلمہ حقيقت ہے کہ واشنگٹن ميں پاکستانی سفارت خانے سميت دیگر کئ ممالک کے سفارت خانے اور قونصل خانے تواتر کے ساتھ ايسی تقريبات کا انعقاد کرتے رہتے ہيں جن کا مقصد اپنی مخصوص ثقافتی اور سياسی ترجيحات اور سوچ کو اجاگر کرنا ہوتا ہے۔

ممالک کے مابين سفارتی تعلقات سے متعلق عالمی قوانين اس بات کی اجازت ديتے ہیں کہ سفارت خانے ان تقريبات کا انعقاد کر سکیں۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/pages/USUrduDigitalOutreach/122365134490320?v=wall

 

جواب: ہم جنس پرستوں کا اجلاس، عوام کا احتجاج

Fawad – Digital Outreach Team – US State Department

میں کسی مذہبی بحث ميں ملوث ہونے کا متمنی نہيں ہوں کيونکہ جو موضوع زير بحث ہے وہ اس احاطے ميں نہيں آتا۔ اس کے علاوہ امريکی سفارت خانے کی جانب سے اس تقريب کے انعقاد کا مقصد اور ان کی نيت کسی بھی موقع پر مذہبی عقائد کے حوالے سے کوئ بيان دينا، کسی مذہبی تعليم کو چيلنج کرنا يا کسی تنازعے کو جلا دينے کی ہرگز نہيں تھی۔ يہ محض امريکی حکومت کی عوامی سطح پر جاری سفارتی کوششوں کا حصہ تھی جس کا مقصد معاشرے کے ہر فرقے اور طبقہ فکر سے تعلق رکھنے والے انسانوں پر اثر انداز ہونے والی بنيادی انسانی قدروں اور اصولوں کی پاسداری کے ضمن میں ہمارے مصمم ارادوں کا اعادہ کرنا تھا۔

دنيا بھر ميں ہمارے سفارت خانوں، قونصل خانوں اور سفارتی مشنز کے مقاصد ميں يہ شامل ہوتا ہے کہ وہ ميزبان ممالک کی رضامندی سے طے شدہ فریم ورک اور سفارتی حدود کے اندر رہتے ہوۓ ہماری قدروں کو اجاگر کر کے بہتر شعور کو فروغ ديں۔ امريکی سفارت خانے ميں منعقد کی جانے والی تقريب نا تو اس اصول سے ماروا تھی اور نا ہی يہ کسی خاص ملک يا خطے سے متعلق تھی۔ جيسا کہ میں نے پہلے بھی واضح کيا تھا کہ يہ تقريب امريکی سفارتی مشن کی طے شدہ حدود کے اندر کی گئ تھی اور اس ميں کسی کو بھی شرکت کے لیے مجبور نہيں کيا گيا تھا۔

امريکی حکومت اس بات پر يقين رکھتی ہے کہ انسانی ارتقاء کے ليے تمام انسانوں کو پرامن طريقے سے رہنے کا حق ملنا چاہیے۔ يہ تصور دنيا کے ہر مذہب ميں موجود ہے۔ اسی صورت ميں ہم ايک ايسی دنيا کی جانب بڑھ سکتے ہيں جہاں تمام انسانوں کو وہ احترام، تکريم اور برابری ميسر آۓ گی جس کے وہ مستحق ہيں۔ ہم اسی پر يقين رکھتے ہیں اور ہم نے يہ واضح کيا ہے کہ جہاں تک امريکہ، ہماری اقدار اور ہماری خارجہ پالیسی کا تعلق ہے – ہر انسان کو اس کے طرز فکر سے قطع نظر زندہ رہنے کا حق حاصل ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/pages/USUrduDigitalOutreach/122365134490320?v=wall