ہم اُنہیں جی سے پیار کرتے ہیں - داغ دہلوی

غزل
(داغ دہلوی رحمتہ اللہ علیہ)

ہم اُنہیں جی سے پیار کرتے ہیں
وہ کہاں اعتبار کرتے ہیں

منتظر ہیں مرے جنازے کے
وہ مرا انتظار کرتے ہیں

غیر کی بات اور جھوٹی بات
آپ ہی اعتبار کرتے ہیں

دلربا بھی ہے دل بھی ہے معشوق
ہم تو دونوں کو پیار کرتے ہیں

جان جھپٹی، کسی کا دل لوٹا
وہ یوں ہی لوٹ مار کرتے ہیں

اُن سے وہ حشر تک نہیں ملتے
جن کو اُمیدوار کرتے ہیں

دل کی بالیدگی سے جی خوش ہے
ایک کو ہم ہزار کرتے ہیں

حال جب پوچھتا ہے ہم سے کوئی
نالے بے اختیار کرتے ہیں​

 

جواب: ہم اُنہیں جی سے پیار کرتے ہیں - داغ دہلوی

واہ بہت خوب مبارز جی اچھا کلام ھے


وہ کہاں اعتبار کرتے ھیں،،،، واہ

 

جواب: ہم اُنہیں جی سے پیار کرتے ہیں - داغ دہلوی

مبارز جی اچھا کلام ھے

 

جواب: ہم اُنہیں جی سے پیار کرتے ہیں - داغ دہلوی

خوشی جی ، نادیہ رضا جی اور بزم خیال بھائی آپ سب کا بیحد شکریہ خوش رہیں۔۔