ہماری زنجیر عدل

ایک سکول انسپکٹر معائنے کے لیے سکول گیا ۔۔۔۔۔۔ ایک جماعت سے آواز آرہی تھی دریاے سندھ جہلم سے نکلتا ہے انسپکٹر فورا کلاس میں پہنچا۔۔۔۔۔۔ اور کہا آپ بچوں کا غلط پڑھا رہے ہیں ۔۔۔۔۔۔ استاد نے بات کاٹتے ہوئے کہا جناب دریائے سندھ اسوقت تک جہلم سے نکلتا رہے گا جب تک میری پچھلے 6 ماہ کی تنخواہ نہیں مل جاتی۔۔۔۔۔۔۔ آ پ غور کرئیں تنخواہ کا روکنا بھی ظلم ۔۔۔۔۔۔۔۔۔۔ اور غلط پڑھا نابھی ظلم ۔۔۔۔۔۔۔۔۔ ان کے در میان ایک اور عمل ہے جسے عدل کہا جاتا ہے
۔۔۔۔۔۔۔کسی بوجھ کو دو برابر حصوں میں اس طرح بانٹ دیا جاے کہ ان میں ذرا بھی کمی بیشی نہ ہو تو اسکو عربی میں عدل کہتے ہیں (مفردات راغب اصفہانی)
اردو میں ہم اسے انصاف کہتے ہیں یعنی عدل وانصاف۔۔۔۔۔۔۔۔۔۔۔۔ عدل خود اللہ کی صفت ہے اللہ کے 99 ناموں میں سے ایک عدل بھی ہے۔۔۔۔۔۔۔۔۔۔ دنیا کا یہ سارا کار خانہ جو آسمان سے لے کر زمین تک پھیلا ہے صرف اللہ کے عدل وانصاف کے بل بوتے پہ قائم ہے ۔۔۔۔۔۔۔اور عدل وانصاف صرف نظم سلطنت ہی کے لئے مخصوص نہیں ہے بلکہ زندگی کے ہر شعبہ میں اس کی ضرورت ہے ۔۔۔۔۔۔۔۔۔اسی لئے اللہ جل شانہ نے فر مایا ان اللہ یامر بالعدل والا حسان
بے شبہ اللہ انصاف اور نیکی کرنے کا حکم دیتا ہے (سورۃ نحل پارہ 14 آیت 90)
نظم عالم کو قائم رکھنے کے لئے سب سے پہلے عدل کا حکم دیا اس کے بعد احسان کا اسلام نے عدل وانصاف کا جو حکم دیا ہے وہ اخلاق معاشرت اور سیاست کے ہر گوشے کو محیط ہے یعنی زندگی کا کوئی شعبہ ایسا نہیں جس پہ اسلام کی یہ اخلاقی تعلیم حاوی نہ ہو۔۔۔۔۔۔۔۔۔۔۔۔۔۔۔ جہاں اسلام یہ تقاضہ کرتا ہے کہ ہر مسلمان عادل ہو وہاں حاکم وقت کے لئے عادل ہونابہت ضروری ہے ۔۔۔۔۔۔۔۔۔۔۔۔۔۔۔۔۔اس لئے رحمت عالم صل اللہ علیہ وسلم نے فر مایا قیامت کے دن جب کہ خدا کے سایہ کے سوا کوئی دوسرا سایہ نہ ہوگا سات شخصوں کو خدا اپنے سایہ میں لے گا جن میں ایک امام عادل بھی ہوگا۔۔۔۔۔۔۔۔۔۔۔۔۔۔۔۔۔۔ لیکن ہمارے یہاں عوام میں انصاف خوف خدائی نظر آتی ہے ۔۔۔۔۔۔۔۔۔۔۔۔۔۔۔۔مگر حکمران اس بادشاہ کی طرح ہیں جسنے انصاف کو پھانسی دیدی عقل اس کے محل کی لونڈی اور انصاف اس کا غلام تھا۔۔۔۔۔۔۔۔۔۔اپنے وائٹ ہاوس کے باہر انصاف کو گھر گھر پہنچانے کا اعلان مرکزی دروازے پر لٹکا رکھاتھا ۔۔۔۔۔۔۔۔۔۔جرم کی نوعیت کی بجاے مجرم کی حثیت پیش نظر رہتی تھی۔۔۔۔۔۔۔۔۔ ایک دن ایک شخص گرتا پڑتا محل کے دروازے پہ پہنچا اور زنجیرعدل ہلادی۔۔۔۔۔۔۔۔۔ اس کا احسان کہ اس نے زمجیر عدل لٹکا رکھی تھی ۔۔۔۔۔۔۔۔۔ اور ۔۔۔۔۔۔ ہم نے ۔۔۔۔۔۔۔۔ زنجیر عدل ۔۔۔۔۔۔ سوئس بینکوں میں جمع کروادی ہے ۔۔۔۔۔۔۔ ہر کارے دوڑےاور بادشاہ کے آرام میں خلل ڈالنے کی وجہ سے اس کی پٹائی کردی جس سے زخمی اور زور سے چیخا تو ۔۔۔۔۔۔۔۔۔سایئڈ روم سے ایک منشی نما آدمی کان پہ پنسل ٹکاے آگے بڑھا اور مک مکا کر کے۔۔۔۔۔۔۔۔۔۔۔ اسے بادشاہ کے سامنے پیش کیا بادشاہ نے جلدی سے تاج اٹھا کر سر پر رکھ لیا ۔۔۔۔۔۔۔۔۔۔۔۔کہیں سائل اس کا گنج دیکھ کر بے تاج بادشاہوں میں شمار نہ کرے بادشاہ نے رعب دار آواز نکال کر پو چھا کس نا ہنجار نے تجھے اس حال تک پہنچا یا جلدی اپنی داستاں سناو ۔۔۔۔۔۔۔۔۔۔تاکہ ہم (تحریک) انصاف کو تیرے دروازے تک پہنچا سکیں۔۔۔۔۔۔۔۔۔ سائل نے عرض کی جہاں پناہ فدوی اس ملک کا آزاد شہری ہے آپ کے لطف وکرم کی وجہ سے غربت وافلاس کے ہاتھوں مجبور ہو کر چوری سینہ زوری کا پیشہ اختیار کر رکھا ہے اسی پیشے کی برکت سے پولیس بھی بندے کی آزادی میں مزاحم نہیں ہوتی۔۔۔۔۔۔۔۔۔۔۔ کیونکہ بندہ ہر چوری کے بعد باقاعدگی سے ان کا حصہ پہنچاتا رہا ہے۔۔۔۔۔۔۔۔۔۔۔۔۔ مگر جہاں پناہ آج مجھ پر یہ ظلم ہوا بندہ نے آج رات ایک مکان کو تاڑا اور اندر داخل ہونے کے لئے دیوار پہ کمند ڈالی ابھی اوپر چڑھ ہی رہا تھا کہ منڈیر کی چند اینٹیں کھسک گیئں اور بندہ دھڑام سے نیچے آگرا اور میری ٹانگ زخمی ہوگی مالک مکان نے مجھے اٹھایا اور پولیس کے حوالے کردیا جہاں پناہ پولیس والے اپنے واقف کار نکلے وہ مجھے یہاں چھوڑ گے۔۔۔۔۔۔۔۔۔۔
عالی جاہ آپکے انصاف کی کہانیاں میںہ پڑھتا رہا ہوں بجلی گیس اور اخبارکا بل ادا کرنے کی آخری تاریخ ہے میں اب اس زخمی ٹانگ کی وجہ سے اپنا پیشہ کرنے سے معذور ہوں اور اس کی وجہ مالک مکان کی کمزور دیوار بنی لہذا علاج اور بلوں کی ادایئگی کا حکم صادر کرکے مالک مکان کو قرار واقعی سزادی جاے۔۔۔۔۔۔۔۔۔۔۔۔۔۔۔۔۔۔
بادشاہ نے کوتوال شہر کو طلب کیا۔۔۔۔۔۔۔۔۔۔۔۔۔ اور 4 تاریخ کو ملزم کو پیش کرنے کا حکم دیا سائل کو سر کاری ہسپتال جانے کامشورہ دیا۔۔۔۔۔۔۔۔۔۔ 4 تاریخ کو سارا شہر امڈ آیا کیونکہ سارے ویلے تھے (فارغ تھے) مالک مکان نے اپنی صفائی دیتے ہوے کہا جہاں پناہ اس میں میرا قصور نہیں میٹریل ناقص تھا ۔۔۔۔۔۔۔۔۔سیمنٹ ڈیلر پر چھاپہ پڑا تو اس نے سیمنٹ کے نمونے پیش کر کے کہا یہ مستری کی حرام خوری ہے۔۔۔۔۔۔۔۔۔۔ مستری کو حاضر کیا گیا تو مستری کہنے لگا جہاں پناہ آپ کا ہاتھی بد مست ہو کر بھاگا تو میں ڈر گیا ۔۔۔۔۔۔۔۔۔۔۔۔۔۔۔۔۔۔۔۔۔۔۔جس سے سیمنٹ میں پانی زیادہ ڈل گیا مسالا کمزور رہ گیا۔۔۔۔۔۔۔۔
مہاوت کو بلایا گیا اسنے کہا یہ ہاتھی کا قصور ہے۔۔۔۔۔۔۔۔۔ وہ بدک گیا تھا بادشاہ غصے میں بولا اس کے بدکنے کی وجہ بیان کی جاے مہاوت بولا ۔۔۔۔۔۔۔۔۔۔۔۔جہاں پناہ ایک عورت پازیب پہن کے گزری اس کی جھنکا ر نے ہاتھی کو بہکادیا ۔۔۔۔۔۔۔۔۔۔۔۔۔۔۔۔۔۔۔۔۔۔عورت حاضر کی گی اسنے کہا یہ سنار کا قصور ہے۔۔۔۔۔۔۔۔۔۔۔۔۔ جس نے جھنکار والا زیور بنایا سنار حاضر ہوا مگر افسوس اس سے کوئی بات نہ بن سکی اگروہ رحمان ملک کے بیانات پڑھتا رہتا تو بڑی آسانی سے یہ الزام طالبان پر لگایا جا سکتا تھا۔۔۔۔۔۔۔۔۔۔۔۔۔۔۔
بادشاہ نے حکم صادر کیا سنار کو اگلے ماہ کی 10 تاریخ کو پھانسی پر لٹکا دیا جاے سائل نے رو کر کہا عالی جاہ سنار کی پھانسی سے میرے بل کیسے ادا ہو نگے ۔۔۔۔۔۔۔۔۔۔۔۔۔۔مگر بادشاہ نے اسے بھی ڈانٹ دیا مقررہ تاریخ پہ سنار کو لایا گیا۔۔۔۔۔۔۔۔۔۔۔۔۔۔ مگر وہ موت کے خوف سے سوکھ چکا تھا بہت کمزور ہو چکا تھابادشاہ کا غلام جس کا نام انصاف تھا بادشاہ کو مور پنکھ سے ہوا دے رہا تھا (شاید ان کے ہاں بھی بجلی جانے کارواج ہو گا)۔۔۔۔۔۔۔۔۔۔۔۔۔
بادشاہ نے جب سنار کی طرف دیکھا تو اسے ترس آگیا اور سوچا اتنے ماڑے بندے کو پھانسی دے کر مزا نہیں آے گا اس لئے اعلان ہوا ۔۔۔۔۔۔۔۔۔۔۔۔۔۔۔۔کوئی موٹا تازہ بندہ تلاش کیا جاے۔۔۔۔۔۔۔۔۔۔۔۔۔۔۔۔۔۔۔۔۔۔۔ مجمے میں کوئی موٹا تازہ نظر نہ آیا کیونکہ عوام مہنگائی کے ہاتھوں مجبور ہو کر صرف ایک وقت روٹی کھاتے۔۔۔۔۔۔۔۔۔۔۔۔۔۔۔۔۔ دو ٹائم صبر کرتے تھے اس بنا پہ سب ہی کمزور و لاغر ہو چکے تھے بادشاہ نے اپنی بایئں سایئڈ دیکھا تو غلام انصاف نظر آیا جو ویلیاں کھا کھا کے خوب موٹا تازہ ہو چکا تھا حکم دیا انصاف کو پھانسی دیدیجاے۔۔۔۔۔۔۔۔۔ کیو نکہ ایسے بادشاہوں کو انصاف کی ضرورت نہیں رہتی (یہاں گرو چیلے والے پرانے لطیفے کو جدید بنایا گیا ہے گرو چیلے سے معزرت)جہاں انصاف کو ہی پھانسی دیدی جاے وہاں کیسے انصاف مل سکتا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یاد رکھئے انصاف حکومت وسلطنت کی عمارت کا ستون ہے اسی لئے اسلام نےعدالتی فیصلوں کے لئے انصاف کو لازمی قرار دیا اگر یہ نہ ہو تو کسی بھی طرح امن وآشتی نہیں ہو سکتی

 

جواب: ہماری زنجیر عدل

بہت خوب فکری بھائی
اس میں کوئی شک نہیں ہے کہ انصاف و عدل سے ہی نظام کائنات میں حسن و استحکام ہے اگر انصاف ہی کو پھانس دے دی جائے تو پھر خونخوار بیھڑیوں کا دور شروع ہوجا تا ہے جو ہر کمزور کو کھاتے ہیں ۔