ہر نعمتِ خدا پہ اجارہ علی کا ہے ۔ قمرآسی

ہر نعمتِ خدا پہ اجارہ علی کا ہے
جو کچھ ہے اس جہان میں سارا علی کا ہے

محبوب لم یزل ہوئے سرکار مصطفٰی
محبوب مصطفٰی ہے جو پیارا علی کا ہے

سارے جہاں کی نعمتیں سمجھو ہیں اس کے پاس
جھولی میں جس کسی کی اتارا علی کا ہے

اس واسطے کھڑا ہوں میں باطل کے سامنے
تنہا نہیں ہوں، مجھ کو سہارا علی کا ہے

مولا علی کو مولا جو بولے وہ زندہ باد
مردہ ہے دو جہاں میں جو مارا علی کا ہے

خاسر ہوا ہے جس نے عداوت علی سے کی
فائز ہے جس نے نام پکارا علی کا ہے

ہر گام کامراں ہے قمر جس کے ہاتھ میں
پرچم نبی کا، چاند ستارا علی کا ہے
#قمرآسی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین