ہر نبی شاہدِ خدا نہ ہوا ۔۔۔ایاز صدیقی

ہر نبی شاہدِ خدا نہ ہوا
آپﷺ سا کوئی دوسرا نہ ہوا

کرمِ شہرِ علم سے پہلے
نعت کہنے کا حوصلہ نہ ہوا

دل رہا ہر قدم پہ سر بسجود
میں مدینے کو جب روانہ ہوا

لاکھ پلکوں سے خاکِ طیبہ چنی
" حق تو یہ ہے کہ حق ادا نہ ہوا"

فرشِ خاکی سے عرشِ نوری تک
کس جگہ ذکرِ مصطفےٰﷺ نہ ہوا

آپ کی یاد کے سوا کوئی
کشتیِ جاں کا ناخدا نہ ہوا

دل کہ تھا ایک بے نوائے ازل
آپ کے لطف کا خزانہ ہوا

آپ کا در نہ وا ہوا جس پر
کوئی دروازہ اس پہ وا نہ ہوا

جالیوں ہی کو چوم لیں گے ایاز
گر کرم باِلمشافِہہ نہ ہوا
٭٭٭
ثنائے محمدﷺ ... ایاز صدیقی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین