ہر اک کے لیے رحمتِ سرکار ہے وسیع ۔۔۔ محمد نفیس مصباحی بلرام پوری

عاشق کے لیے خلد کا بازار ہے وسیع
دشمن کے لیے جلتا ہوا نار ہے وسیع

جتنی بھی جہاں بھی ہیں خداوند کی مخلوق
ہر اک کے لیے رحمتِ سرکارﷺ ہے وسیع

چنتے ہیں چننے والے بس اپنی پہونچ کے گل
نعتِ شہِ کونین کا گلزار ہے وسیع

علمِ نبی کا قطرہ ہے کل علمِ کائنات
دریاۓ علمِ سیدِ ابرار ہے وسیع

غدار نبی قبر میں پس جاتا ہے اپنی
تا حدِّ نگہ گورِ وفادار ہے وسیع

فضلِ خدا ہے فیضِ نبیﷺ ہے نفیس جو
مدحت کے لیے گلشنِ افکار ہے وسیع
-----
*از۔ محمد نفیس مصباحی بلرام پوری*
بزم نعتﷺ
عالمی واٹس ایپ گروپ "بزم نعت" کا چھپنواں شاندار طرحی مشاعرہ
1 اگست 2018​

 

جتنی بھی جہاں بھی ہیں خداوند کی مخلوق
ہر اک کے لیے رحمتِ سرکارﷺ ہے وسیع​

 

علمِ نبی کا قطرہ ہے کل علمِ کائنات
دریاۓ علمِ سیدِ ابرار ہے وسیع​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین