ہجراں دے آثار

ہجراں دے آثار

ربّا! توں ایہہ دل کیہ بنایا
جَد میں چاہواں نہ رووے
ایہہ روندا اے
جد میں چاہواں ہوش کرے
ایہہ ہجراں والیاں رُتاّں
دے وچ سوندا اے
ربّا! توں ایہہ دل کیہ بنایا
جے ایہہ اکھّاں والا ہوندا
بوہے لگیا تالا ہوندا
مُڑھکا بھاویں پالا ہوندا
پیر ہوا دے پار وی ہوندے
سجے ہوئے دربار وی ہوندے
ہجراں دے آثار وی ہوندے
سجن بیلی یار وی ہوندے
تیرے گل وچ ہار وی ہوندے
ربّا! توں ایہہ دل کیہ بنایا
منگے اوہ جیہڑا کول وی ناہیں
گونگے کول اک بول وی ناہیں
کیہڑی ککھ چوں جمیا اے دل
زہر پیالہ پینے رکھیا
کاہنوں دل مرے سینے رکھیا
ربّا! توں ایہہ دل کی بنایا
رخشندہ نوید​