ہاڑا ۔۔۔۔۔۔۔۔۔ انجم قریشی

ہاڑا

منّی ساڑے دُھپ دا سیکا
ویری لگے سوہرا پیکا
کراں دُعاواں لا لا ہیکاں
گل بن دی نہیں لگدی
مینہ دا زور تے چھپر پاٹا
پھج گئے سارے چول تے آٹا
جتھے جاواں ہر تھاں گھاٹا
رات گزاراں جگدی
آئی ہنیری اُڈ گئے لیڑے
کرماں دے وچ پے گئے کیڑے
جھٹ کُو ساہ تے آئون دے پیڑے
رگ پھڑکے رگ رگ دی
بھن پیندی تے جی کرلاوے
کوئی تے سنیہا لے کے آوے
جے اوہ آ کے گل نال لاوے
ٹھنڈ پاوے مینوں اگ دی
جس سے ساہ نال ساہ اے ولیا
جس دے ناں وچ ناں اے رلیا
جس جی میرا جُثہ ملیا
خیر ہووے اوہدی پگ دی
انجم قریشی​