گھروں سے بھاگ کر شادیوں نے معاشرے کوتباہ کردیا،لاہور ہائیکورٹ

لاہور…لاہور ہائیکورٹ میں ایک مقدمے کی سماعت کے دوران عدالت نے ریمارکس دئیے ہیں کہ کہ گھروں سے بھاگ کر کی جانے والی شادیوں نے معاشرے کوتباہ کردیاہے۔لاہور ہائیکورٹ میں پسند کی شادی کرنیوالے جوڑے میں اختلافات کے کیس کی سماعت ہوئی۔اس دوران عدالت نے ریمارکس دئیے کہ زیادہ تر لومیرج کا انجام لڑائی جھگڑے اورطلاق پر ہوتا ہے۔معاشرہ کھچڑی بن چکاہے۔عدالت نے کہا کہ ہم مشرقی روایات کی پاسداری کررہے ہیں نہ مغربی معاشرے کی تقلید، مقدمے میں نوجوان نے بیوی کی طرف سے دائر خرچے کے دعوے کوچیلنج کیاتھا۔عدالت نے فریقین کونوٹس جاری کرتے ہوئے سماعت غیر معینہ مدت تک ملتوی کردی۔
http://beta.jang.com.pk/JangDetail.aspx?ID=128188