گپ شپ

میں کون ہوں؟
اپنے بارے میں لکھناشایدلوگوں کے لیے آسان ہومگرمیرے نزدیک یہ دنیاکامشکل ترین کام ہے! پھربھی کوشش کرتاتاہوں شایدکچھ بیان ہوسکے۔۔ نام توآپ سب پڑھ ہی چکے ہیں۔۔ پیشہ قلم کی مزدوری ہے۔۔ ابتدائی دنوں میں اردوکے ایک مقتدرادارے سے منسلک رہاحالات بگڑے توخیربادکہہ کرسسپنس ڈائجسٹ کامدیرمقررہوا۔۔۔ چنددنوں کیلئے ماہنامہ سرگذشت کی ادارت کاشرف بھی حاصل ہوا۔۔ جی اکتایاتوصحافت میں قدم رکھ دیا۔۔ نیوز ون میں خبریں بناناسیکھا۔۔ پھرسچ ٹی وی میں سچ ناظرین تک پہنچاتارہا۔۔ آج کل موقر انگریزی اخبار کے اردونیوزچینل سے وابستہ ہوں۔۔رہائش کراچی میں ہے پیدائش سندھ کے مردم خیزشہرخیرپورمیں ہوئی تعلیم کچھ خیرپورکچھ سکھرسے لی۔۔واحدشوق مطالعہ ہے۔۔ جس میں کوئی انتخاب نہیں۔۔ جومل جائے اوراچھالگے وہ پڑھ لیتاہوں۔۔اپنی طرف سے ’’گپ ‘‘کی ابتداکردی ہے اب سب لوگوں کی ’’شپ‘‘کاانتظارکروں گا۔۔۔۔

 

ابھی اپنے تعارف پرآپ سب کے پیغامات پڑھے۔۔۔۔ اپنی پذیرائی دیکھ کردل خوشی سے معمورہوگیا۔۔ کوشش کروں گاکہ آپ کی توقعات پرپورااترتے ہوئے اس بزم کی رونق میں اضافہ کرسکوں۔۔ہارون صاحب سے مخاطب ہوں۔۔ ارے صاحب! روشنیوں کے شہرمیں روشنیوں میں گم ہوں۔۔ایسانورہے جس نے خودمیں سمورکھاہے۔۔ بہرحال آپ نے دریافت کیاہے توعرض ہے کہ کراچی کےمعروف علاقے فیڈرل کیپیٹل ایریاالمعروف ایف سی ایریامیں عارضی آشیانہ ہے۔۔