گمان تھا کہ ہر اک شحص ہمنوا ہوگا(افتخار عارف صاحب کی زمین پر ایک غزل)

ہمارا راستہ ہر اک کا راستہ ہوگا
گمان تھا کہ ہر اک شحص ہمنوا ہوگا

جنوں کے ماروں کا صحرا ہی آسرا ہوگا
ہمارا مسئلہ ہر اک کا مسئلہ ہوگا

پہاڑ اڑ رہے ہوں گے دھواں بھرا ہوگا
تمہارے بعد کے منظر میں کیا بھلا ہو گا

یہ دیکھو کیا ہے یہ اب میرے سنگ میں ہی نہیں
لو سایہ کہتا ہے اب ساتھ چھوڑنا ہوگا

ہماری آہ سے صحرا بنے گا اک دریا
ہمارے ہاتھ یہ چھوٹا سا معجزہ ہوگا

وجود میرا جلے گا تو روشنی ہوگی
ہمارا ہاتھ اٹھے گاتو اک دیا ہوگا

میں سبز رنگ کی قندیل کا تماشہ ہوں
میں زخم زخم ہوں سو رنگ تو ہرا ہوگا

Abu Leveeza Ali

 

وااہ عمدہ

 

بہت خوبصورت