گلوبل انڈرگریجویٹ (یو گریڈ) پروگرام دے سابقہ پاڑھواں دا لوک خدمت لئی عزم

اسلام آباد ___امریکی سفارتخانے تے پاک۔امریکہ المنائی نیٹ ورک (پی یو اے این) نے اسلام آباد چ گلوبل انڈرگریجویٹ (یوگریڈ) تبادلہ پروگرام دے سالانہ اکٹھ چ آون آلے ایس پروگرام دے 300 تو ودھ سابقہ پاڑھوواں نوں جی آیاں نو آکھیا۔ امریکی سفارتخانے دے اندرونی معاملات دے ناظم، تھامس ولیمزتے پاکستان چ یوایس ایجوکیشنل فاؤنڈیشن دی ایگزیکیٹیو ڈائریکٹر، ریٹا اختر نے اناں پاڑھواں دا استقبال کیتا،جناں دا تعلق پاکستان دے کونے کونے تو وے۔

اے اکٹھ جیڑا 13-15 دسمبر تک جاری روے گا ایدے شریک اک دوجے نوں امریکہ چ حاصل ہوون آلے اپنے تجربیاں وارے دسن گے، تے ورکشاپاں تے مقرراں دے مباحثیاں چ حصہ لین گے جیناں چ جدت تے ایجادات وارے گل بات ہووے گی، ثقافتی تے موسیقی دے پروگراماں دے مزے لٹن گے، تے لوک خدمت دے منصوبیاں وارے گل بات کرن گے، جیدے کارن پاکستان سماجی تے مالی طور تے ترقی کرے گا۔ اے اکٹھ لوک خدمت دیاں چار وکھ وکھ تحریکاں وی کرے گا: خون دا عطیہ دین دی مہم، مقامی سکول دے بالاں نال رل کے اک پارک دی صفائی، معذور لوکاں نال ملاقات، کوڑا کھلارن دے خلاف مظاہرہ کرکے ماحول دی صفائی ستھرائی وارے جان کاری ودھاون دی تحریک۔

سفارت خانے دے انتظامی کماں دے افسر، تھامس ولیمز نے اکٹھ نوں خطاب کردے ہوئے آکھیا کے "پاکستان چ بڑا متاثر کردین آلے ہونہار نوجوان موجود نے، تسی سارے پاکستان دے چنگے مستقبل لئی باصلاحیت نمائندہ بن سکدے او۔ اوناں نے آکھیا کے میرے ملک نے تواڈی تعلیم دے وادھے تے تواڈی قوم دے حالات چ بہتری لیاون چ حصہ پایا وے،اے سوچ کے مینوں یوگریڈ تے اپنے آپ تے مان ہوریہا وے۔"

امریکی محکمہ خارجہ دی ٹیک نال پاکستان چ جاری گلوبل یوگریڈ دنیا چ اپنی نوعیت دا ساریاں نالوں وڈا پروگرام وے۔ امریکی سفارتخانہ 2010 توں لے کے ہون تائیں کوئی لگ بھگ 700 پاکستانی پاڑھواں نوں یونیورسٹی دی سطح تائیں اک سمیسٹر دی تعلیم حاصل کرن لئی امریکہ بھجوا چکیا وے۔ امریکہ چ حاصل ہوون آلی تربیت، پردھانی لئی عملی تجربات تے لوک رابطیاں کارن گلوبل یوگریڈ چ حصہ لین آلے ایہو جئیاں مہارتاں تے عبور حاصل کردے نے جناں دی اوناں نوں اپنے معاشرے چ دیر اثر شہری تے مالی تبدیلی لیاون لئی لوڑ ہوندی وے۔ ایس پروگرام دا انتظام یوایس - پاک ایجوکیشنل فاؤنڈیشن چلاندی وے۔

پاکستان واپسی ہٹ کے گلوبل یوگریڈ دے سابقہ پاڑھو پی یو اے این دے ممبر بن جاندے نے، اے دنیا چ سابقہ پاڑھواں دے ساریاں نالوں وڈے نیٹ ورکاں وچوں اک وے۔ پاکستان بھر چ پی یو اے این دیاں گیارہ شاخاں نے۔ 13000 تو ودھ پاڑھو تے کئی ماہرین،جیڑے امریکی حکومت دی ٹیک نال جاری تبادلہ پروگرام چ شرکت کر چکےنے ایدے رکن نے۔ ایس نیٹ ورک دا مشن امریکہ تے پاکستان دے درمیان عوامی تعلقات دی حوصلہ افزائی کرنا وے۔ پی یواے این دے وارے ہور جان کاری لئی:

www.pakusalumninetwork.com