گلا تو گھونٹ دیا اہل مدرسہ نے ترا

گلا تو گھونٹ دیا اہل مدرسہ نے ترا
بعض مدارس میں جاری مکروہ سرگرمیوں کے حوالے سے ایک چشم کشا رپورٹ
دینی مدرسے میں قید 57 نوجوانوں کی افسوسناک کہانی​

پیارے دوستو ، ایک زمانہ تھا کہ دینی مدارس دینِ مصطفےٰ صلی اللہ علیہ وسلم کی صاف ستھری اور سچی تعلیمات کے فروغ کا ذریعہ ہواکرتے تھے ۔ یہاں لمحہ لمحہ شجرِعلم کی آبیاری ہوتی تھی، اسلام کا پیغامِ امن ومحبت عام کیا جاتا تھا ۔ ہردم یہاں سے قال اللہ وقال الرسول صلی اللہ علیہ وسلم کی شیریں صدائیں گونجتی تھیں ۔ انہی سچی تعلیمات کا اثر یہ تھا ان درسگاہوں سے علوم وفنون کے چشمے رواں رہتے تھے ، جن سے ہرخاص وعام اپنی اپنی پیاس بجھاتا تھا ۔ انہی درسگاہوں سے بڑے بڑے ائمہ علم وفن اور صاحبانِ علم وحکمت پیدا ہوتے تھے اور پوری امت کی رہبری کے فرائض سرانجام دیتے تھے۔ مگر کچھ اغیار کی سازشوں اور کچھ اپنوں کی نالائقیوں کا نتیجہ ہے کہ آج بہت سے دینی مدارس ایسے ہیں ، الا ماشاءاللہ ، جہاں دین کے نام پر انتہائی گھناؤنا کھیل کھیلا جارہا ہے، اسلام کی سچی تعلیمات کی بجائے خودساختہ اور من گھڑت تصورات کا پرچار کیا جارہاہے ۔ شاید ایسے ہی اہل مدرسہ کیلئے علامہ نے فرمایا تھا:

گلا تو گھونٹ دیا اہل مدرسہ نے ترا
کہاں سے آئے صدا ، لاالہ الااللہ
​

آج فرقہ واریت ، تنگ نظری ، انتہا پسندی اور عدم برداشت کے رویوں کو عام کرنے میں جہاں اور بہت سے عوامل کارفرما ہیں ، انہی میں ایک بہت بڑا سبب اس طرح کے دینی مدارس بھی ہیں ، جہاں معصوم نوجوانوں کی برین واشنگ کرکے جنت کے سہانے خواب دکھا کر انکی زندگیاں برباد کرنے کا کام تسلسل سے جاری ہے۔

​

یہ تصویر تو آپ میں سے اکثر دوست پہچانتے بھی ہوں گے۔ جی ہاں ، یہ اس خودکش بمبار کی تصویر ہے جو اپریل 2011 میں ڈیرہ غازی خان میں واقع ایک مزار پر ہونے والے خودکش حملہ میں شدید زخمی حالت میں گرفتار کرلیا گیا تھا۔ یہ تو ان خودکش بمباروں میں سے صرف ایک کمسن لڑکے کی مثال ہے ، ورنہ کون نہیں جانتا کہ آج بے شمارکمسن نوجوانوں کو جنت کا لالچ دیکر جہنم کے گڑھے میں دھکیلا جا رہا ہے ۔ ان نوجوانوں کو کون تیار کررہا ہے؟ یہ ایک ایسا سوال ہے جسکے سامنے آنے پر اکثر وبیشتر فرقہ پرستی کو پروان چڑھانے والے بعض مدارس اور انکے سرپرستوں کی طرف ہی بار بار انگلی اٹھتی نظر آتی ہے ۔ بارہا اس طرح کی خبریں اخبارات میں شائع ہوتی رہتی ہیں ۔[1]
اسی طرح کی ایک خبر 13 دسمبر کے اخبارات میں شائع ہوئی ہے ، جو مجرمانہ سرگرمیوں میں ملوث مدارس کو بے نقاب کررہی ہے، ملاحظہ فرمائیے:

​

بازیاب کرائے گئے افراد کی تصاویر دیکھنے کیلئے اس لنک پر کلک کریں:
http://www.bbc.co.uk/urdu/multimedia/2011/12/111213_madrassa_khi_pics_rwa.shtml


اللہ تعالیٰ معصوم نوجوانوں کی زندگیاں برباد کرنے والے اور بے گناہ عوام کے خون سے ہولی کھیلنے والے ان درندہ صفت مجرموں کو کیفر کردار تک پہنچائے اور سب عوام کو ان لوگوں کے مکروفریب سے بچنے کا شعور دے۔ آمین!
والسلام علیکم ورحمۃاللہ وبرکاتہ۔:91:

[1] عمر نامی اس کمسن خودکش حملہ آور نے انتہائی چشم کشا انکشافات کئے تھے ، جسکی تفصیل ان لنکس پر ملاحظہ فرمائیے:
http://www.bbc.co.uk/urdu/pakistan/2011/04/110418_bomber_aleem.shtml

http://www.bbc.co.uk/urdu/pakistan/2011/04/110406_suicide_bomber_profile_rh.shtml

http://www.bbc.co.uk/urdu/pakistan/2011/04/110408_sakhisarwar_omar_suicide_rh.shtml

ایسے مدارس میں جاری مکروہ سرگرمیوں کے حوالے سے مزید تفصیلات کیلئے یہ لنکس ملاحظہ فرمائیں:
http://www.bbc.co.uk/urdu/pakistan/2011/12/111213_madrassa_students_rwa.shtml

http://www.bbc.co.uk/urdu/pakistan/2010/01/100110_punjab_ijaz2_zee.shtml

 

جواب: گلا تو گھونٹ دیا اہل مدرسہ نے ترا

آصف بھائی ، آج کے اخبارات بھی دیکھے ہیں۔ انمیں سے کچھ یہاں پوسٹ کرتا ہوں:

​

اخبارات میں چھپنے والی کوریج من وعن آپکے سامنے رکھ دی ہے۔ اب آپ اصل موضوع پراپنے تبصرے سے آگاہ فرمائیں۔

 

جواب: گلا تو گھونٹ دیا اہل مدرسہ نے ترا

آصف بھائی ، معذرت سے عرض کروں گا کہ اسکو چشم پوشی نہ سمجھا جائے تو اور کیا سمجھا جائے؟ آپ نے شاید لڑی کے اصل موضوع پر ہی غور نہیں فرمایا۔

1۔ یہ بات بالکل حق ہے کہ مدارس دینیہ واقتعاً دین اسلام کے قلعے ہیں ، اور دین اسلام کے فروغ میں انکا بہت بڑا کردار ہے ۔ مگر کیا سب مدارس مطلوبہ معیار پر پورا اترتے ہیں؟ ہرگز نہیں ۔ بلکہ بہت سے ایسے بھی ہیں جو کہ اسلامی تعلیمات کو مسخ کرنے کا کردار ادا کرکے فرقہ واریت کے فروغ کا باعث بن رہے ہیں ، جسکے نتیجے میں معاشرے کا سکون غارت ہوکر رہ گیا ہے۔

2۔ میں نے کہیں بھی یہ نہیں لکھا کہ سب مدارس مکروہ سرگرمیوں میں ملوث ہیں ، بلکہ یہ لکھا کہ "بعض مدارس مکروہ سرگرمیوں میں ملوث ہیں" اسکے ثبوت جابجا آئے روز دیکھنے کو ملتے ہیں، جس سے کوئی ذی شعور آدمی انکار نہیں کرسکتا۔ صرف عمر نامی فدائی کے چشم کشا انکشافات ہی ذرا پھر سے ملاحظہ فرمائیں:
http://www.bbc.co.uk/urdu/pakistan/2011/04/110418_bomber_aleem.shtml
اسی لئے میں نے عرض کیا تھا کہ:

عمر فدائی کے بیان والی ویڈیو کو غور سے دیکھیں اور پھر بتائیں کہ ان معصوم نوجوانوں کی زندگیاں برباد کرنے کے پیچھے کون سی سوچ کام کر رہی ہے؟

3۔ بات صرف تازہ خبر میں مذکور مدرسے کی نہیں، بلکہ عمومی [In general] ہے۔ علامہ اقبال رحمۃاللہ علیہ نے بھی سب اہل مدرسہ کی بات نہیں کی تھی ، بلکہ بعض اہل مدرسہ کے بارے میں فرمایا تھا کہ :
گلا تو گھونٹ دیا اہل مدرسہ نے ترا
کہاں سے آئے صدا ، لاالہ الااللہ
کیا کوئی ذی شعور شخص علامہ اقبال رحمۃ اللہ علیہ کی بیان کردہ اس حقیقت کو رد کرسکتا ہے؟

4۔ اب آئیے ذرا مذکورہ مدرسے سے متعلق خبروں کا بھی دیانتدارانہ تجزیہ کرتے ہیں:
الف ۔ مدرسے کا محل وقوع: تمام خبروں کو دیکھیں تو یہ پتہ چلتا ہے کہ سہراب گوٹھ میں واقع جامع مسجد زکریا کاندھلوی سے بالکل متصل دینی مدرسہ سے یہ افراد بازیاب کرائے گئے۔ تمام اخبارات نے اسے "مدرسہ" لکھا ، بازیاب کرائے گئے افراد نے بھی اسے "مدرسہ" کہا ۔

--- کچھ مصروفیت آگئی تو یہیں پر چھوڑتا ہوں ، باقی تھوڑی دیر کے بعد انشاءاللہ ---

 

جواب: گلا تو گھونٹ دیا اہل مدرسہ نے ترا

-------------- گزشتہ سے پیوستہ --------------
​

اب ایک مفتی صاحب فرماتے ہیں کہ یہ مدرسہ نہیں ، بلکہ منشیات کے عادی لوگوں کیلئے بحالی مرکز ہے۔ سوال یہ ہے کہ اگر یہ واقعی میں مدرسہ نہیں تو پھر تمام اخبارات کو کیوں مغالطہ ہوا؟ بازیاب کرائے گئے لوگوں نے اسکو "مدرسہ" کیوں کہا؟ پھر اگر یہ مدرسہ نہیں تو اس پر "مدرسہ" کا بورڈ کیوں لگا تھا؟ پھر اسکا مسجد زکریا سے متصل ہونا بھی اسی بات کی نشانی ہے کہ یہ مدرسہ ہی تھا ۔

2۔ اگر یہ بحالی مرکز ہے تو کیا منشیات کے عادی لوگوں کی بحالی کا یہی طریقہ ہوا کرتا ہے ، جس طرح سے یہاں ہورہا تھا؟

3۔ تصاویر میں بازیاب کرائے گئے اکثر بچوں اور نوجوانوں کے چہروں کو بغور دیکھنے سے یہ بات بالکل واضح ہے کہ انکے چہرے نشہ کے عادی لوگوں والی علامات سے یکسر خالی ہیں ۔ اس سے بھی یہ بات مشکوک ہوجاتی ہے کہ یہاں پر نشہ کے عادی افراد کا علاج کیا جاتا تھا ۔

4۔ اگر یہاں پر کوئی غیرقانونی سرگرمی نہیں ہوتی تھی ، تو پھر مدرسہ کے سرکردہ لوگ وہاں سے فرار کیوں ہوگئے؟

5۔ ان سب نوجوانوں کو تہہ خانہ میں جہاں صحت و صفائی کی انتہائی ناقص صورتحال تھی، زنجیروں میں قید کرکے رکھنا ، تشدد کرنا ، بیمار پڑنے پر دوا نہ لاکر دینا وغیرہ وغیرہ کیا بحالی مرکز اسی طرح ہوتے ہیں؟

6۔ اگر بازیاب کرائے گئے افراد کے لواحقین اپنی رضامندی سے ان افراد کو یہاں چھوڑ گئے تھے ، تو کیا اس طرح ان سب غیر قانونی سرگرمیوں کو جواز مہیا ہوجاتا ہے؟

7۔ قطع نظر اس بات کے کہ یہ مدرسہ وفاق المدارس سے الحاق شدہ تھا یا نہیں ، اب تک کی خبروں کی روشنی میں یہ بات بہت واضح ہے کہ یہاں پر ہونے والی سرگرمیاں غیرقانونی اور قابل مذمت ہیں۔ جب یہ مدرسہ وفاق المدارس سے الحاق یافتہ بھی نہیں ، تو پھروفاق المدارس کے معزز مفتی صاحب کے بیان میں ان مکروہ سرگرمیوں کی مذمت میں ایک لفظ بھی موجود نہیں ہے ، کیوں؟ انکو تو دوٹوک ان مکروہ سرگرمیوں کی مذمت کرنی چاہیئے تھی ، مگر ہوا کیا ؟ انکے بیان میں سارا زور صرف اس بات پر ہے کہ اس مدرسے سے انکا کوئی تعلق نہیں تھا۔

8۔ اگر ممکن ہوا تو باقی تفصیلات تحقیقات کے مکمل ہونے پر ہی سامنے آسکتی ہیں ، مگر اب تک کے حالات وواقعات سے اندازہ یہی ہوتا ہے ، کہ خوف وہراس کی فضا اسطرح کے حساس معاملات میں عوام الناس کو سچی گواہی دینے سےروک دیتی ہے جسکے نتیجے میں مجرم لوگ سزا سے صاف بچ نکلتے ہیں، اس لئے اغلبا ًبہت سے دوسرے کیسز کی طرح اس کیس میں بھی سچ کا منظر عام پر آجانا مشکل دکھائی دیتا ہے۔

بہرحال ہماری اس لڑی کی بنیاد صرف اس ایک واقعے پر نہیں ، بلکہ تسلسل کے ساتھ رونما ہونے والے ان حالات و واقعات پر ہے جو اس تاثر کو تقویت فراہم کرتے ہیں کہ خارجیت زدہ دہشت گردانہ فکر کی جڑیں کہیں نہ کہیں انہی نام نہاد موحدین سے ہی جا ملتی ہیں جو اپنے علاوہ مسلمانوں کی اکثریت کو کافر ومشرک قرار دیتے ہیں ، مزارات اولیاءاللہ کو شرک کے اڈے اور ان سے محبت کرنے والے مسلمانوں کواصل کفار ومشرکین سے بڑے کفار ومشرکین قرار دے کر انکا خون بہانے کو جائز سمجھتے ہیں ، اسطرح اسلام دشمن طاقتوں کو ہر مسلم کش کاروائی کا جواز مہیا کرکے، بالواسطہ طور پر انہی اسلام دشمن طاقتوں کے ایجنڈے کی تکمیل میں معاون ثابت ہورہے ہیں ۔ اللہ تعالیٰ تمام مسلمانوں کو انکے شر سے محفوظ رکھے۔ آمین !

 

جواب: گلا تو گھونٹ دیا اہل مدرسہ نے ترا

یہ پڑھ کر صبح صبح ہی موڈ خراب ہو گیا۔۔ یہ تعلیمی ادارے ہیں؟؟ جہاں اسلام کی تعلیم دی جاتی ہے؟؟ افف میرے خدایا۔۔ آج کا مسلمان کیا ہو چکا ہے۔۔ تو پھر کیوں نا ہم ساری دنیا میں بدنام ہوں؟؟ ایسے مدارس میں‌ بچوں کو داخل کروانے سے اچھا ہے کہ انہیں اپنے گھر ہی باندھ کر رکھ لیں۔۔ کم از کم وہ بعد میں‌جہاد کے نام پر لوگوں کو قتل تو نا کریں۔۔ جو لوگ ان کو تیار کرتے ہیں وہ مسلمان نہیں‌ ہو سکتے۔۔ اسلام ہمیں ان ساری باتوں کا درس ہرگز نہیں دیتا۔۔ اللہ معاف کرے کیسے جانوروں کی طرح زنجیروں میں جکڑا ہوا ہے۔۔ یہ تو ہم لوگ واپس دور جاہلیت میں‌چلے گئے ہیں۔۔
اللہ میاں ہمارے حال پہ رحم فرما۔۔ اور ہمارے معاشرے سے ایسے تنگ نظر مولویوں کا صفایا کر دے جو اسلام کے نام پر دہشت گردی پھیلا رہے ہیں۔۔ آمین۔۔

 

جواب: گلا تو گھونٹ دیا اہل مدرسہ نے ترا

واہ کیا بات ہے ، سبحان اللہ۔

گویا آپ نے اس مدرسہ میں ہونے والی تمام غیر قانونی سرگرمیوں کو سندِ جواز مہیا کردی ہے یعنی آپکے خیال میں یہاں کچھ بھی غلط نہیں ہورہا تھا اور دہشت گردی ، انتہا پسندی یا فرقہ واریت کو پھیلانے میں نہ صرف یہ مدرسہ بلکہ تمام کے تمام مدارس کا قطعاً کوئی کردار نہیں ہے !!! اللہ اکبر!

ایک طرف تو اس مدرسے سے لاتعلقی کے اعلان ، اور دوسری طرف اسکی غیر قانونی سرگرمیوں کی مذمت سے نہ صرف انکار بلکہ دفاع بھی --- بالکل اسی طرح کا ردعمل قوم کو ہمارے بعض مذہبی رہنماؤں کی طرف سے اس وقت بھی دیکھنے کو ملتا ہے ، جب کوئی خودکش حملہ آور سینکڑوں معصوم لوگوں کا خونِ ناحق بہاتا ہے ، تو یہ لوگ کھلی مذمت کی بجائے اگر مگر کرنے لگ جاتے ہیں۔
آصف بھائی ، معاف کیجئے گا ، آپکے اس تبصرے کو درست قرار دینا دیانت کے خلاف معلوم ہوتا ہے۔

 

جواب: گلا تو گھونٹ دیا اہل مدرسہ نے ترا

قصور ہمارے معاشرے کا بھی ہے۔۔ کے ہم اپنے اس بچے کو مدرسے میں بھیجتے ہیں جو بلکل نالائق ہو۔۔ لائق بچے کو دنیاوی تعلیم دلواتے ہیں۔۔ اور جس کا دماغ ٹھیک کام نا کرتا ہو اسے دینی تعلیم کے لئے بھیج دیتے ہیں۔۔ مطلب ہمیں دین سے زیادہ دنیاوی تعلیم دلوانے کی زیادہ فکر ہے۔۔ میں نے خود کئی لوگ دیکھے ہیں جو کہتے ہیں کے ہمارا بچہ سکول میں ٹھیک نہیں پڑھتا تھا تو ہم نے اسے مدرسے میں قرآن حفظ کے لئے بھجوا دیا۔۔ کتنے افسوس کی بات ہے۔۔
اور آصف جی جب آپ کہہ رہے ہیں کے دہشت گردی کی مزمت ہونی چاہیے تو بحث کیسی؟؟
اور یہ صرٍف اخباری سرخیاں نہیں ٹی وی میں وڈیوز بھی دکھائی گئی ہیں۔۔ آپ کیوں ایسے لوگوں کی سائیڈ لے رہے ہیں جو اسلام جیسے محبت بھرے دین کے نام پر دہشت گردی کا دھبہ لگانے میں مصروف ہیں؟؟‌
آپ کی بات ٹھیک ہے سے سب مدارس میں‌ایسا نہیں ہوتا۔۔ بلکے بہت سوں میں ایسا نہیں ہوتا ہو گا۔۔ لیکن جن گنتی کے مدارس میں ایسا ہوتا ہے اگر آج ان میں سے کسی ایک کا پول کھل گیا ہے تو آپ کو ان کی سپوٹ میں‌نہیں لکھنا چاہیے۔۔ آپ اچھے خاصے سمجھدار ہیں۔۔ پھر بھی؟؟ ایسا کیوں؟؟‌

 

جواب: گلا تو گھونٹ دیا اہل مدرسہ نے ترا

او کے ۔۔

 

جواب: گلا تو گھونٹ دیا اہل مدرسہ نے ترا

ارے سب کو کون کہہ رہا ہے؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ پھر وہی بات؟؟ حق ہا۔۔ کوئی حال نہیں۔۔ چھوڑیں جی۔۔ بحث کرنا فضول ہے۔۔

 

جواب: گلا تو گھونٹ دیا اہل مدرسہ نے ترا

ہائے او ربا۔۔ بحث وہاں بنتی ہے جہاں دو الگ الگ باتیں ہوں۔۔ یہاں جو غلط نظر آ رہا ہے اسی کے بارے بات ہو رہی تھی۔۔ کسی نے بھی نہیں کہا کے سارے کے سارے مولوی یا مدارس غلط ہیں۔۔

 

جواب: گلا تو گھونٹ دیا اہل مدرسہ نے ترا

 

جواب: گلا تو گھونٹ دیا اہل مدرسہ نے ترا

استغفراللہ۔۔