گرمیوں کا اداسی سے رشتہ

گرمیوں کا اداسی سے رشتہ

روز پلیٹر

کیا آپ کو موسم گرما کی آمد سے خوف آتا ہے؟ آپ سے گرمی برداشت نہیں ہوتی؟ کیا دھوپ آپ کو نچوڑ کر رکھ دیتی ہے؟ اگر ایسا ہے تو آپ کو گرما سے منسلک ڈپریشن کی ایک قسم کا سامنا ہے اور یہ سنجیدہ صورتِ حال بھی اختیار کر سکتی ہے۔ اس کا ایک نام ہے، اور اس کا علاج بھی کیا جاتا ہے۔ اسے گرماکیفیاتی خلل کہا جاتا ہے۔ واشنگٹن ڈی سی میں واقع جارج ٹاؤن یونیورسٹی سکول آف میڈیسن میں سائیکاٹری کے پروفیسر، محقق اور مصنف ڈاکٹر نارمن ای روزنتھال نے اس خلل کی نشاندہی سب سے پہلے تقریباً 35 برس قبل کی۔ ان کے مطابق ایسے افراد کو موسمِ گرما میں خاص طور پر مشکل کا سامنا ہوتا ہے۔ وہ معطل ہو کر رہ جاتے ہیں اور ان سے اپنا کام نہیں ہوتا۔ ان کے مطابق یہ مسئلہ موسم گرما میں اداسی، بے خوابی، کم خوراکی اور خودکشی کے رجحان کا باعث بنتا ہے۔ اسسٹنٹ پروفیسر اور سائیکوتھراپسٹ سکاٹ بیا کے مطابق یہ خلل ایک فیصد افراد کو متاثر کرتا ہے۔ اس کا امکان خطِ استوا کے قریب رہنے والوں میں غالباً زیادہ ہوتا ہے۔ اس خلل کا پتا چلانے کے لیے فرد کا موسم گرما میں دو برس مسلسل جائزہ لیا جاتا ہے۔ ان کے مطابق ایسے افراد کو ٹھنڈے پانی سے نہانے، ائیرکنڈیشنر اور عمارت کے اندر رہنے اور گہرے رنگ کے چشمے پہننے کا مشورہ دیا جاتاہے۔ تاہم بہت سے افراد کو ادویات استعمال کرنی پڑتی ہیں۔
​