گراں سدرہ سے آگے کا سفر روح الامیں پر ہے ۔حامد رضا نعمانی سمستی پوری

گراں سدرہ سے آگے کا سفر روح الامیں پر ہے
مگر آسان سے آسان تر امام المرسلیں پر ہے

بہت مسرور ہے مجرم سنا ہے جب سے یہ مزدہ
گنہگاروں کی بخشش رحمتہ للعٰلمیں پر ہے

قمر کو مل گیا ہے ان کے پائے ناز کا صدقہ
تبھی تو نور اتنا بر فلک اس کی جبیں پر ہے

ارے او میرے دل کے ڈھونڈنے والو ادھر آؤ
جہاں ہے گنبدِ خضرا میرا دل بھی وہی پر ہے

دوعالم کے نظارے کس طرح اس کو لبھا ئنگے
کہ جس کی آنکھ روئے سرورِ دنیا ودیں پر ہے

چھپا لیں گے بروز حشر ہمکو اپنے دامن میں
جہاں والو یقیں کامل شفیع المذنبیں پر ہے

نبی کی نعل اقدس کا تصدق ہے یہ اے حامد
فلک پر کہکشاں روشن ہے ہریالی زمیں پر ہے.

حامد رضا نعمانی سمستی پوری ​

 

اللہ تعالیٰ آپ کو بھی جزائے خیر عطا کرے آمین