گدائے بے نوا ہے، اُنؐ کا در ہے ۔۔ شیخ صدیق ظفرؔ

گدائے بے نوا ہے، اُنؐ کا در ہے
طلب سے بھیک پائی بیشتر ہے

مری سرکارﷺ کے نقشِ قدم سے
فروزاں عاشقوں کی رہگزر ہے

گیا گمنام جو آقاﷺ کے در پہ
وہاں سے جب وہ لوٹا نامور ہے

چلو چلتے ہیں اُس عاشق سے ملنے
مدینہ سے جو آیا لوٹ کر ہے

بوقتِ امتحاں ثابت قدم ہے
علیؓ شیرِ خُدا کا، وہ پِسر ہے

شہیدِ کربلا، پیاسا، نواسہ
مری سرکارﷺ کا لختِ جگر ہے

مری پرواز ہے طیبہ کی جانب
سفر میرا، وسیلۂ ظفرؔ ہے
٭٭٭
خزینۂ حمد و نعت ﷺ ۔۔۔ شیخ صدیق ظفرؔ
​

 

اللہ تعالیٰ آپ کو بھی جزائے خیر عطا کرے آمین