کیا ہندی اردو پر غالب آ جائے گی؟

طاہرہ بہن اس بات میں کوئی شک نہیں کہ زبان کا کوئی مذہب نہیں ہوتا مگر زبان کی ایک ثقافت ہوتی ہے جو کسی بھی عمل کو معاشرے کی نظر میں اچھا یا برا بناتی ہیں۔ اس کے علاوہ زبان آپ کے ماضی کے ساتھ آپ کا رشتہ استوار کرتی ہے۔
ہماری موجودہ نسل فارسی سے نابلد ہے جس کی وجہ سے علم و حکمت کا ایک خزانہ جو فارسی میں ہے اور ہمارے اباء و اجداد نے رقم کیا ہے ہمارے لیے لائبریری کی الماریاں بھرنے کے سوا کسی کام کا نہیں۔ ہماری موجودہ نسل گلستاں سعدی اور بوستانِ سعدی کے نام سے واقف ہے مگر اگلی نسل کے لیے گلستان سعدی کسی ہاوسنگ اسکیم کا نام ہے۔
یہی حال ترکوں کے ساتھ ہوا۔ میرے کچھ دوست ترکی گئے تو انہیں یہ جان کر حیرت ہوئی کہ ترکی اور اردو کے بہت سے الفاظ مشترک ہیں مگر ترکی زبان کا رسم الخط تبدیل کرنے سے ترک اپنے ماضی سے دور کر دیے گئے اور ان کا علمی اثاثہ جو کہ عربی رسم الخط میں ہے ان کے لیے اجنبی ہے۔
ہندی کی الفاظ کی اردو میں مقبولیت سے اس بات کا بھی خدشہ ہے کہ فارسی کی طرح اردو بھی ہمارے لیے اجنبی نہ ہو جائے۔ ہماری اردو پر لکھنوی زبان کے نام کی ایک لڑی ہے تجرباتی طور پر کسی کو وہ پڑھائیں اور دیکھیں وہ کس قدر سمجھ سکتا ہے۔ یہ وہ اردو ہے جس میں ہمارا زیادہ تر پرانا ادب ہے اور اکثریت اس کو سمجھنے سے قاصر ہے۔

 

واصف بھائی کہاں گئے ان کی سوچ بہت اعلےٰ ہے انہیں واپس آنا چاہئے