کیا پاکستان میں بھی یہی وقت آنے والا ہے؟

کیا پاکستان میں بھی یہی وقت آنے والا ہے ؟

 

خوش فہم ہونا اور نیک امیدیں رکھنا اچھی بات ہے لیکن نیک امید بھی نیک اعمال کی متقاضی ہوتی ہے۔
جبکہ عملی طور پر جائزہ لینے سے معلوم ہوتا ہے کہ پچھلی کئی دہائیوں سے تمام چالاکیوں کے باوجود آج اس حالت کو تو پہنچ چکے ہیں۔کہ ڈالر کے مقابلے میں کبھی 33 روپے آج 100 روپے سے بڑھ چکے ہیں۔
اگر یہی کرپٹ اور استحصالی نظام برقرار رہتا ہے۔ اور سرمایہ داروں کی ذاتی فیکٹریوں کے منشی وزیر خزانہ بنتے رہے تو کیا عجب کہ آئندہ دو تین دہائیوں تک "خاکم بدہن" ہم یہ نوبت بھی دیکھ لیں ۔

 

اچھا یہ بھی ایک دلچپ و عجیب مخمصہ ہے۔
مجھے ہماری اردو کے صارفین سمیت اپنے عزیز رشتہ داروں یا دوست احباب میں سے کوئی ایک شخص بتا دیں
جو متوسط طبقے سے فی الواقع شریف ، ایماندار، دیانتدار، اہل ، محب وطن اور بےداغ کردار کا حامل ہو اور وہ قومی یا صوبائی الیکشن لڑنے کا ارادہ رکھتا ہو ؟ شاید ہزاروں افراد کے ڈھونڈنے سے 3 افراد بھی ایسے نہ مل سکیں گے جو موجودہ نظامِ انتخاب کے تحت الیکشن لڑنے کا ارادہ رکھتے ہوں گے۔
البتہ ایسی مثالیں درجنوں ہیں کہ مندرجہ بالا خصائص کے حامل اگر کسی شخص نے ایسا ارادہ کر بھی لیا تو اسکو یا اسکے اہلِ خانہ کے ساتھ تذلیل و تضحیک کا ایسا سلوک کیا گیا کہ وہ نشانہء عبرت بن گیا۔
موجودہ نظامِ انتخاب کے حلقہ جاتی نظام میں ہر حلقے میں امیر کبیر، وڈیرے، لٹیرے اور دہشتگرد غنڈے رکھنے والے ایسے 4-5 خاندان ہیں کہ کسی بھی پارٹی کو الیکشن لڑنے کے لیے انہیں چند خاندانوں میں سے کسی نہ کسی کو ٹکٹ دینا پڑے گا۔ کیونکہ جیتنے والے گھوڑے وہی ہیں۔ انکے علاوہ جو بھی الیکشن میں کھڑا ہوگا وہ اپنی شرافت، دیانت ، تقویٰ، اہلیت اور سفید پوشی کے باعث اپنی عزت و جان کو داؤ پر لگائے گا۔
یہ نقشہ بالعموم ہمارے اس کرپٹ نظام کا ہے یقینا چند ایک حلقوں میں کچھ استثنی ہوسکتے ہیں۔
یہی وجہ ہے کہ پچھلی 3 دہائیوں سے جماعتِ اسلامی، تحریک انصاف، تحریک استقلال، پاکستان عوامی تحریک سمیت سبھی دینی ، اسلامی اور ایمانداری کی شہرت رکھنے والی جماعتیں یا تو اپنے " ایماندار، شریف النفس اور اہل " امیدواروں کی ضمانتیں ضبط کروا بیٹھیں۔
یا پھر مجبور ہو کر انہی جیتنے والے گھوڑوں کے کرپٹ خاندانوں میں سے ہی کسی نہ کسی کو ٹکٹ دینے پر مجبور ہوگئے۔
۔۔۔۔ ایک اور تلخ حقیقت یہ ہے کہ موجودہ نظام انتخاب صرف پیسے بہا کر ووٹ خریدنے کا کا نظام ہے۔ قومی اسمبلی کے لیے 15-20 کروڑ اور صوبائی اسمبلی کے لیے 10-15 کروڑ روپے کا خرچہ تو کم از کم ہے۔ پاکستان میں کس شریف اور دیانتدار آدمی کے پاس 20 کروڑ روپے صرف الیکشن لڑنے کے لیے ہوتے ہیں ؟ یہ کھیل بھی کرپٹ ٹیکس چوروں، بنک ڈیفالٹرز اور لوٹ مار کرنے والوں ہی کا ہے۔
اور جب ایک امیدوار 18-20 کروڑ روپے لگا کر اسمبلی میں پہنچ بھی گیا تو وہ وہاں جا کر ایمانداری کرنے کے لیے تو نہیں بیٹھا رہے گا ؟ وہ تو اپنے 18-20 کروڑ بمعہ دوگنا و تین گنا نفع کے واپس لینے کے لیے کرپشن کرے گا۔ لوٹ مار کرے گا اور قومی خزانے پرہاتھ صاف کرے گا۔
اب جب عوام الناس کے پاس ہر حلقے میں 3-4 کرپٹ، ٹیکس چور، لٹیرے اور بدعنوانوں میں سے ہی کسی نہ کسی کو منتخب کرنے کا حق ملنا ہے تو غریب عوام نے کس نیک، شریف اور دیانتدار کو منتخب کرنا ہے ؟
اس لیے ضروری ہے کہ ہم اس حقیقت سے آگاہ ہوں کہ موجودہ نظام دراصل اشرافیہ سرمایہ داروں اور وڈیروں لٹیروں کا بنایا ہوا ایک جال ہے جس میں "جمہوریت " کے نام پر 18کروڑ عوام کو دھوکہ دیا جاتا ہے۔
لازم ہے کہ موجودہ نظامِ انتخاب کو تبدیل کرکے اسکی اصلاح اس انداز میں کی جائے کہ پاکستانی عوام کے شریف، ایماندار اور دیانتدار نمائندے بھی پارلیمنٹ تک پہنچ سکنے کے قابل ہوں۔

 

جس طرح آپ کو الیکشن کے ذریعے ہی تبدیلی یا یقین یا گمان ہے۔
اسی طرح مجھے اور مجھ جیسے کروڑوں لوگوں کو یقین ہے کہ موجودہ نظام انتخاب کے ذریعے کوئی تبدیلی نہیں آسکتی ۔ اسکا ثبوت یہ ہے کہ جعلی و اصلی ووٹ کل ملا کر بھی 40-45 فیصد سے زیادہ ووٹر اس نظام میں ووٹ ڈالنے نہیں جاتے ۔ اور جو جاتے بھی ہیں ان میں سے بھی 20۔25 فیصد ووٹرز کیسے پولنگ سٹیشنز تک پہنچاے جاتے ہیں وہ ہم سب کو بخوبی معلوم ہے۔
یہ الیکشن کا نظام پچھلے 35-40 سال سے ملک کو تباہی کی طرف ہی لے کر گیا ہے ۔ اگر کسی کو " بہتری " نظر آتی ہے تو اسکی عقل اسی کو مبارک ۔
کیونکہ اگلے الیکشن تو دوووور کی بات ہے ۔ خاکم بدہن ملک تو ابھی سے انتشار کا شکار ہوچکا ہے۔
1971 میں سقوطِ ڈھاکہ والی تاریخ کراچی میں دہرائی جارہی ہے
دہشت گردی کا عفریت پاکستانی عوام کو نگل رہا ہے اور باقی ماندہ کو نگلنے کو تیار کھڑا ہے۔ اور نادان لوگ "نفاذ شریعت" سمجھ کر اسکی حمایت بھی کررہے ہیں اور انہیں قانونی حیثیت دلوانے کے لیے " دفاتر" کھولنے کے نعرے بھی لگ رہے ہیں ۔
مفلسی ، غربت، مایوسی جب قومی رویہ بن جائے تو قوم مفلوج ہوجاتی ہے اور مفلوج قوم کے مٹنے میں زیادہ دیر نہیں لگتی ۔
امریکی افواج بحری ، بری اور فضائی راستوں سے پاکستان کی ناکہ بندی کو تیار بیٹھی ہیں۔ اور انکی مدد کو بھارت بھی پنجے پسارے ہوئے ہے۔
ہاں اگر ہم کبوتر کی طرح آنکھیں بند کر " توکل علی اللہ " کرکے بیٹھے رہے تو پھر ہماری تقدیر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہاں قوم کو جگانے کی ضرورت ہے ۔ اگر قوم کو اپنے حق کی ضرورت ہے اور قوم اپنی غلامانہ و مفاد پرستانہ غلطیوں کا ازالہ کرنا چاہتی ہے تو عوامی طاقت کے ذریعے اس نظام کے خلاف اٹھنا ہوگا۔ قوموں کی تاریخ یہی بتاتی ہے۔
اب یہ قوم پر منحصر ہوتا ہے۔ پیغمبرانہ جدوجہد اور اسکے بعد تاریخ اسلام اور تاریخ اقوامِ عالم کے انقلابات گواہ ہیں کہ
انقلاب یا قومی سطح کی بڑی تبدیلی کبھی ایک لیڈر، ایک رہنما یا اسکے کارکنان نہیں لے کر آتے ۔ بلکہ قوم کو اپنے حقوق کے لیے اٹھنا ہوتا ہے۔
کیونکہ اللہ پاک بھی تو قوم کی تقدیر اسی وقت بدلتا ہے جب قوم خود اپنی تقدیر بدلنے کو تیار ہوجاتی ہے۔

 

حقیقی راہنما عوام کے پیچھے نہیں چلتا ۔ بلکہ راہ نما ہوتا ہی وہ ہے جو عوام کو سیدھی راہ دکھاتا ہے۔ چاہے عوام اس پر چلیں یا نہ چلیں یہ ان کی قسمت ۔ علامہ اقبال رح نے دو قومی نظریہ دیا جس پر آج ہم سب فخر کرتے ہیں لیکن اس وقت یہ انتہائی انوکھی راہ تھی جس پر قوم حتی کہ خود قائد اعظم بھی شروع میں متفق نہ تھے۔ کئی عشروں "بیداری شعور" کی تحریک کے بعد عوام دوقومی نظریہ پر متفق ہوئے اور قائد اعظم کی سیاسی مدبرانہ قیادت کے ذریعے کامیابی سے ہمکنار ہوئی ۔

ایک تصحیح تو یہی کر لیجئے کہ انقلاب یا احتجاج کے لیے اٹھنا بھی عین جمہوری عمل ہے۔ جمہور یعنی عوام ۔۔ ہر وہ عمل جس میں جمہور شامل ہوں وہ جمہوری عمل ہوتا ہے۔
جبکہ پاکستان میں ہمیں جمہوریت یہ پڑھائی اور سکھائی جاتی ہے جس میں عوام کو بھیڑ بکریوں کی مانند بریانی کی پلیٹوں، چند ہزار روپے کے لالچ، گلی محلوں میں پکی سڑکوں یا بجلی کے کھمبوں اور روزگار کے جھوٹے نعروں کے دھوکے میں ٹرالیوں ، ٹرکوں میں بھر کر پولنگ سٹیشن لایا جاتا ہے ۔۔ اور پھر وہاں بھی نادرا کی رپورٹ کے مطابق 80۔60۔40۔25 ہزار تک فی حلقہ جعلی ووٹ کاسٹ کیے جاتے ہیں اور چند خاص جماعتوں کے من پسند امیدواروں کو پری انجئیرڈ نتائج کے ذریعے کامیاب کروایا جاتا ہے۔
اور عوام کو پھر 5 سال کے لیے ذلت، رسوائی، بھوک، افلاس، رشوت، کرپشن اور مایوسیوں کے اندھیروں میں دھکیل دیا جاتا ہے۔ اور وڈیرے، لٹیرے، سرمایہ دار، سردار بن کر اس قوم کا خزانہ 4-5 سال خوب لوٹتے ہیں۔ دبئی، لندن، فرانس، سوائس، انڈیا، کوریا، آسٹریلیا، اور دنیا بھر میں بزنس ایمپائر بنائی جاتی ہیں۔ محلات خریدے جاتے ہیں۔ 4-5کے بعد پھر سے میڈیا کے چینلز اور اینکرز خرید کر عوام کو پھر سے " جمہوری الیکشن " کی نوید سنائی جاتی ہے۔
اور عوام اس جمہوریت کی ڈگڈی پر پھر سے ناچنا شروع کردیتے ہیں۔

جناب اسی کے لیے تو ایک پرامن تبدیلی نظام کی ضرورت ہے۔ یاد رکھیں ڈاکٹر طاہرالقادری نے کبھی " تبدیلی آئین " کی بات نہیں کی۔ یہ بات ہر باشعور شہری کی معلوم ہے کہ پاکستان کا آئین کلیتا غیر اسلامی نہیں ہے بلکہ چند ایک شقوں کو چھوڑ کر مکمل اسلامی اور آئیڈیل جمہوری آئین ہے۔
لیکن مسئلہ اسکے نفاذ ہی کا ہے۔ اور اسکےنفاذ کے لیے اہل، لائق لوگ ایوانِ اقتدار میں درکار ہیں۔ اور ملک میں کرپٹ نظام ہی اہل، لائق اور محب وطن دیانتدار لوگوں کے اقتدار تک پہنچنے میں سب سے بڑی رکاوٹ ہے۔ اس لیے اس نظامِ انتخابات کو بدلنا ہوگا۔ اسکی جگہ نیا جمہوری نظامِ انتخاب متعارف کروانے کی ضرورت ہے جس میں عام باشعور، شریف النفس، تعلیم یافتہ اور دیانتدار انسان بھی پارلیمنٹ میں پہنچ سکے۔ ​

تو کیا یہ سمجھا جائے کہ آپ چاہتے ہیں کہ پاکستان (خاکم بدہن) بے شک ٹکڑے ٹکڑے ہوجائے لیکن اسکو بچانے کے لیے جدوجہد نہ کی جائے؟ بلکہ صرف دل میں " پاکستان " کی محبت پالی جائے چاہے پاکستان لخت لخت ہوجائے ؟

 

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

گزشتہ تين برسوں کے دوران پاکستان کو ملنے والی کل سويلين اور فوجی امريکی امداد کی ماليت چار ارب ڈالر سے زيادہ ہو چکی ہے۔ فراہم کی جانے والی اس اعانت ميں طبی امداد، اسکولوں کی تزئين و آرائش، پلوں اور کنوؤں کی تعمير نو، خوراک کی تقسيم اور زرعی وتعليمی منصوبے شامل ہيں۔ مخصوص دفاعی اعانت ميں 14 ايف سولہ لڑاکا طيارے، 10 ايم آئ سترہ ہيلی کاپٹر، پاکستان فرنٹير کور کے ليے 450 سے زيادہ گاڑياں، رات کو ديکھنے والی سينکڑوں عينکيں، دن اور رات کے اوقات ميں استعمال ہونے والی دوربينيں، ريڈيو، اور پاکستان کی مسلح افواج کے ليے ہزاروں کی تعداد ميں حفاظتی جيکٹيں اور ابتدائ طبی امداد کی اشياء شامل ہيں۔ امريکہ نے 370 سے زيادہ پاکستانی فوجی افسران کو انسداد دہشت گردی، اينٹيلی جينس، نقل وحمل، ميڈيکل، دوران پرواز حفاظت اور فوجی قوانين ايسے موضوعات کے بارے ميں قائدانہ صلاحيتوں کو ابھارنے کے پروگراموں کے لیے تربيت بھی فراہم کی ہے۔

امريکہ پر بے بنياد الزامات لگانے سے پہلے ان زمينی حقائق اور گزشتہ چند برسوں کے دوران امريکہ کی جانب سے پاکستان کو دی جانے والی فوجی اور سول امداد کی تاريخ کو بھی مدنظر رکھنا چاہيے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/USDOSDOT_Urdu

http://www.facebook.com/USDOTUrdu

http://s24.postimg.org/sulh4j7f9/USDOTURDU_banner.jpg

 

اور اگر عالمی طاقتیں پاکستان کو صرف پنجاب تک ہی محدود کر دیں(اللہ نہ کرے کبھی بھی ایسا ہو) تو پھر بھی پاکستان سے ہماری محبت کم نہ ہوگی
واہ کیا بات کہی تھی آپ ابو تیمور بھائی نے ( جنوری 2014 ) ، ہوسکے تو اپنے جملوں پر غور کیجئے گا
۔۔۔۔۔۔۔۔۔۔۔۔۔۔۔۔۔۔۔۔۔
دراصل پاکستان کا مسئلہ یہ ہی ہے کچھ لوگوں کی نظر میں صرف پنجاب ہی پاکستان ہے اور باقی اکائیاں اس کی زیر دست ، کیوں بھائی کیا پاکستان بنانے میں صرف پنجاب کی قربانیاں تھیں باقی لوگوں کو مفت میں پاکستان ملا ؟؟
آپ نے کہا اللہ نہ کرے اللہ نہ کرے پاکستان 4 ، 5 حصوں میں تقسیم ہوگیا اور پنجاب تک محدود رہ گیا تو پھر بھی پاکستان کہلائے گا کیوں ؟؟ گریٹر پنجاب کیوں نہیں کہلائے گا ؟؟ 65 فیصد ریوینیو سندھ دے اور پنجاب مزے کرے ۔۔۔ بیرونی قرضوں سے میٹرو بنے لاہور میں پنڈی میں ملتان میں اور مزے کی بات کما کر کچھ نہ دے بلکہ الٹا سالنہ لاکھوں سبسٹڈی کے نام پر پاکستان کے جیب پر ڈاکہ ڈلے مگر میرے بھائی یہ قرضہ اتارے گا کون ؟؟ ظاہر ہے پاکستان یعنی 65 فیصد سندھ اور اگر سندھ اس پر اعتراض کرے تو پاکستان مخالف دوسرے الفاظ میں غدار ۔۔۔ محب وطن ہونے اور غدار ہونے کا سرٹیفیکٹ تو پنجاب ہی دیتا ہے جب ہی تو کبھی فاطمہ جناح غدار ہوتی ہیں کبھی جے ایم سید ، کبھی ولی خان تو کبھی ہمارے بلوچ بھائی اور اب الطاف بھی غدار ہے ۔۔۔۔ بے نطیر کی حکومت توٹے تو سپریم کورٹ کی نظر میں جائز وہ ہی سپریم کورٹ نواز شریف کی حکومت بحال کردے ۔ طالبان پالے پنجاب اور قیمت اتارے کے پی کے اپنا خون دے کر ،،
بلوچستان کو پنجاب کالونی بنادو بلوچ اعتراض کریں تو ماردو ۔۔۔ ابھی کچھ دن قبل صفورہ گوٹھ کا ایک واقعہ ہوا ان ہی دنوں زمبابوے کی کرکٹ ٹیم پاکستان کے ٹور پر آرہی تھی اس سانحہ پر اس کا ارادہ ڈولنے لگا صرف لاہور میں پورا ٹور کرادیا گیا پاکستان کے نام پر کہا گیا دہشت گردی تو کراچی میں ہوئی ہے آپ تو لاہور آرہے ہو یعنی کراچی پاکستان کا حصہ نہیں ۔ مزے کی بات اس سانحہ کے دہشت گرد پکڑے گئے وہ بھی کہاں سے ؟؟ جی پنجاب سے
پاکستان بنا ضرور تھا دو قومی نظریہ کی بنیاد پر مگر ہم لوگوں نے یہ اس ہی وقت دفن کردیا تھا جب بنگلہ دیش بنا ورنہ تو بنگالی بھی مسلمان ہی تھے
دراصل برصغیر کے مسلمانوں اور قائد اعظم کو ہندؤں سے کوئی پریشانی نہیں تھی بلکہ مسئلہ یہ تھا کہ وہ تعداد میں زیادہ تھے اور قائد اعظم کو خدشہ یہ تھا کہ انگریزوں کے جانے کے بعد یہ ہندو مسلمانوں پر غالب آجائیں گے اپنی تعداد کے بل بوتے پر جب پاکستان بنا تو قائد اعظم نے یہاں پر موجود ہندؤں کو پاکستان چھوڑنے کا حکم نہیں دیا تھا بلکہ ان کو یہیں رکنے کی استدا کی تھی اور کہا تھا پاکستان میں ہر اقلیت کو مکمل آزادی ہوگی اگر ہندؤں سے کوئی خار ہوتی تو وہ یہ نہ کرتے ، میں یہ کہنا چاہ رہا ہوں جس بات کا خدشہ قائد اعظم کو ہندوں سے تھا وہ ہی حرکتیں اب پنجاب دوسری قوموں کے ساتھ کر رہا ہے اپنی تعداد کے زیادہ ہونے کا فائدہ

 

اور اگر عالمی طاقتیں پاکستان کو صرف پنجاب تک ہی محدود کر دیں(اللہ نہ کرے کبھی بھی ایسا ہو) تو پھر بھی پاکستان سے ہماری محبت کم نہ ہوگی
واہ کیا بات کہی تھی آپ ابو تیمور بھائی نے ( جنوری 2014 ) ، ہوسکے تو اپنے جملوں پر غور کیجئے گا
۔۔۔۔۔۔۔۔۔۔۔۔۔۔۔۔۔۔۔۔۔
دراصل پاکستان کا مسئلہ یہ ہی ہے کچھ لوگوں کی نظر میں صرف پنجاب ہی پاکستان ہے اور باقی اکائیاں اس کی زیر دست ، کیوں بھائی کیا پاکستان بنانے میں صرف پنجاب کی قربانیاں تھیں باقی لوگوں کو مفت میں پاکستان ملا ؟؟
آپ نے کہا اللہ نہ کرے اللہ نہ کرے پاکستان 4 ، 5 حصوں میں تقسیم ہوگیا اور پنجاب تک محدود رہ گیا تو پھر بھی پاکستان کہلائے گا کیوں ؟؟ گریٹر پنجاب کیوں نہیں کہلائے گا ؟؟ 65 فیصد ریوینیو سندھ دے اور پنجاب مزے کرے ۔۔۔ بیرونی قرضوں سے میٹرو بنے لاہور میں پنڈی میں ملتان میں اور مزے کی بات کما کر کچھ نہ دے بلکہ الٹا سالنہ لاکھوں سبسٹڈی کے نام پر پاکستان کے جیب پر ڈاکہ ڈلے مگر میرے بھائی یہ قرضہ اتارے گا کون ؟؟ ظاہر ہے پاکستان یعنی 65 فیصد سندھ اور اگر سندھ اس پر اعتراض کرے تو پاکستان مخالف دوسرے الفاظ میں غدار ۔۔۔ محب وطن ہونے اور غدار ہونے کا سرٹیفیکٹ تو پنجاب ہی دیتا ہے جب ہی تو کبھی فاطمہ جناح غدار ہوتی ہیں کبھی جے ایم سید ، کبھی ولی خان تو کبھی ہمارے بلوچ بھائی اور اب الطاف بھی غدار ہے ۔۔۔۔ بے نطیر کی حکومت توٹے تو سپریم کورٹ کی نظر میں جائز وہ ہی سپریم کورٹ نواز شریف کی حکومت بحال کردے ۔ طالبان پالے پنجاب اور قیمت اتارے کے پی کے اپنا خون دے کر ،،
بلوچستان کو پنجاب کالونی بنادو بلوچ اعتراض کریں تو ماردو ۔۔۔ ابھی کچھ دن قبل صفورہ گوٹھ کا ایک واقعہ ہوا ان ہی دنوں زمبابوے کی کرکٹ ٹیم پاکستان کے ٹور پر آرہی تھی اس سانحہ پر اس کا ارادہ ڈولنے لگا صرف لاہور میں پورا ٹور کرادیا گیا پاکستان کے نام پر کہا گیا دہشت گردی تو کراچی میں ہوئی ہے آپ تو لاہور آرہے ہو یعنی کراچی پاکستان کا حصہ نہیں ۔ مزے کی بات اس سانحہ کے دہشت گرد پکڑے گئے وہ بھی کہاں سے ؟؟ جی پنجاب سے
پاکستان بنا ضرور تھا دو قومی نظریہ کی بنیاد پر مگر ہم لوگوں نے یہ اس ہی وقت دفن کردیا تھا جب بنگلہ دیش بنا ورنہ تو بنگالی بھی مسلمان ہی تھے
دراصل برصغیر کے مسلمانوں اور قائد اعظم کو ہندؤں سے کوئی پریشانی نہیں تھی بلکہ مسئلہ یہ تھا کہ وہ تعداد میں زیادہ تھے اور قائد اعظم کو خدشہ یہ تھا کہ انگریزوں کے جانے کے بعد یہ ہندو مسلمانوں پر غالب آجائیں گے اپنی تعداد کے بل بوتے پر جب پاکستان بنا تو قائد اعظم نے یہاں پر موجود ہندؤں کو پاکستان چھوڑنے کا حکم نہیں دیا تھا بلکہ ان کو یہیں رکنے کی استدا کی تھی اور کہا تھا پاکستان میں ہر اقلیت کو مکمل آزادی ہوگی اگر ہندؤں سے کوئی خار ہوتی تو وہ یہ نہ کرتے ، میں یہ کہنا چاہ رہا ہوں جس بات کا خدشہ قائد اعظم کو ہندوں سے تھا وہ ہی حرکتیں اب پنجاب دوسری قوموں کے ساتھ کر رہا ہے اپنی تعداد کے زیادہ ہونے کا فائدہ

 

مخلص انسان بھائی ۔ بہت ہی کڑوا لیکن درست تجزیہ ہے۔ بدقسمتی سے ہمارے مفاد پرست، نا اہل اور ناعاقبت اندیش سیاستدانوں بالخصوص تختِ لاھور پر قابض حکمران اور بالعموم دیگر صوبہ جات کے حکمرانوں نے ماضی سے کوئی سبق سیکھا اور نہ ہی مستقبل میں ایسے سانحات سے بچنے کی کوئی منصوبہ بندی کی۔
اور ہم سب عوام بھی برابر کے قصور وار ہیں۔ ہم مسلمان اور بالخصوص پاکستانی مسلمان دنیا کی واحد قوم ہیں جو چائے کی پیالی سامنے رکھ کر، مفکر و دانشور بن کر، امریکہ و یورپ کو سیاسی طور پر صلاح مشورے دیتے نظر آئیں گے۔ لیکن جب اپنے ملک میں حکمران منتخب کرنے کی باری آئے گی تو برادری، صوبائی ، لسانی اور مذہبی عصبیتوں کی بنیاد پر علاقے کے چوروں، رسہ گیروں، بدمعاشوں و بدقماشوں کے نام پر مہر لگا کر قیمے والے نان یا بریانی پلیٹ کھا کر گھر واپس لوٹ ائیں گے۔ اور اگلے 5 سال تک کرپٹ حکمرانوں کے جوتے چاٹیں گے۔ اور ان سے جو تے کھائیں گے
اور سب کچھ تقدیرِ الہی کے کھاتے میں ڈال کر خود بےقصور بن جائیں گے۔

 

نعیم بھائی میری دعا ہے اللہ ہم سب کے حق میں بہتر کرے ۔۔۔
آج تو پیرس میں بھی 9ـ11 ہوگیا ہے دیکھیں اس کا ملبہ کس پر گرتا ہے

 

محترم بھائی جان۔ یہی تو سوال ہے کہ باقی صوبوں کے اندر یہ "احساسِ محرومیت" کیوں پیدا ہوا کہ سندھ جیسے صوبے جہاں پر سب سے زیادہ مسلمان ہندوستان سے ہجرت کرکے پاکستان آئے آج وہاں پر ہی قومیت کی سب سے بڑی تحریک پنپ چکی ہے؟ آخر کیوں ؟ اسکے پیچھے محرکات کیا ہیں ؟ کیوں وہ سب پنجاب سے نفرت کرتے ہیں ؟
بلوچستان اور سرحد کے غیورپاکستانیوں نے کچھ کم قربانیاں تو نہیں دیں ۔ لیکن وہاں بھی آج احساسِ محرومی اور علیحدگی کی جراثیم کیوں ؟

 

قومیں اور ملک یونہی راتوں رات نہیں ٹوٹ جاتے۔ طوفان اچانک نہیں آتے، انقلاب آسمان سے نہیں ٹپک پڑتے وقت ان کی آبیاری کرتا ہے اور ان کے پیچھے منطقی وجوہات ہوتی ہیں۔
صرف پنجاب کی اتنی قومی اسمبلی کی سیٹیں ہیں اگر باقی تین صوبے مل بھی جائیں پھر بھی ان کی تعداد کم ہوتی ہیں

 

بہت سارے تلخ حقائق ہیں جنہیں فراغ دلی سے قبول کرکے اپنی غلطیوں کی تلافی کرنا ہوگی
وگرنہ اندرونی و بیرونی دشمن پوری تاک میں بیٹھے ہیں۔

 

صبر کا دامن تھامے رکھو ۔۔۔ لوگوں کے جذبات مشتعل نا کرو ۔۔ شکریہ۔۔