کیا لبھا پائے بھلا اس کو قمر کی صورت ۔۔ محمد *برکت علی* جامعی سمستی پوری

کیا لبھا پائے بھلا اس کو قمر کی صورت
جس نے دیکھی ہے شہ جن و بشر کی صورت

دشمن دین الٰہی پہ، نبیﷺ کے عشاق
وار کرتے ہیں سدا شیر ببر کی صورت

ان کی مازاغ نگاہوں سے نہیں کچھ مخفی
ان کو معلوم ہے ہر ایک بشر کی صورت

عدل و انصاف زمانے سے اٹھے جاتے ہیں
یاخدا! بھیج دے پھر کوئی عمر کی صورت

کب سے مشتاق نگاہیں ہیں زیارت کے لئے
دیکھ لیتیں وہ شہا! طیبہ نگر کی صورت

ہو کے شرمندہ گناہوں پہ کریں گے توبہ
تاکہ ہر عیب بدل جائے ہنر کی صورت

وہ نہ ہوتے تو کوئی دیکھ نہ پاتا *برکت*
باپ، ماں، بھائی، بہن، بنت و پسر، کی صورت
-----
محمد *برکت علی* جامعیسمستی پوری
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019
​

 

کب سے مشتاق نگاہیں ہیں زیارت کے لئے
دیکھ لیتیں وہ شہا! طیبہ نگر کی صورت​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین