کھاتے ہیں سبھی سیدِ ابرار کا صدقہ ۔۔ عباس عدیم ؔ قریشی

نعت رسول عربی ﷺ
کھاتے ہیں سبھی سیدِ ابرار کا صدقہ
دیتا ہے خدا سب کو درِ یار کا صدقہ

کاسہ میں مرے رہتی ہے تسکین کی دولت
آقا کی مرے چشمِ کرم بار کا صدقہ

آفات پرے ہو کے گزر جاتی ہیں مجھ سے
واللہ یہ ہے نسبتِ سرکار کا صدقہ

مجھ جیسے گداگر کی جو عزت ہے جہاں میں
یہ سب ہے مرے حسنِ خریدار کا صدقہ

راتوں کو جو واللیل کی تحسین ملی ہے
سرکار کی ہے زلفِ طرحدار کا صدقہ

والشمس کی تقدیس اجالوں نے ہے پائی
عالم میں رخِ احمدِ مختار کا صدقہ

ہر وقت عدیمؔ اُن کی ثناء وردِ زباں ہے
یہ لطف ہے بس نعتیہ اشعار کا صدقہ
----
شاعر۔ عباس عدیم ؔ قریشی
​

 

اللہ تعالیٰ آپ کو بھی جزائے خیر عطا کرےآمین

 

کھاتے ہیں سبھی سیدِ ابرار کا صدقہ
دیتا ہے خدا سب کو درِ یار کا صدقہ​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرےآمین