کچھ اچھی باتیں ۔ ۔ ۔ پھر سے کریں

زندگی کی اصل خوبصورتی یہ نہیں کہ آپ کتنے خوش ہیں
بلکہ
زندگی کی اصل خوبصورتی تو یہ ہے کہ دوسرے آپ سے کتنا خوش ہیں

 

ماں، محبوب اور مرقد کی گود بڑی دلگداز ہوتی ہے۔ سونے کا سواد آ جاتا ہے اور حشر تک پڑے رہنے کو جی چاہتا ہے۔
(بابا محمد یحیی خان)

 

فرشتوں اور جناّت کے پاس عبادت تو ہے
لیکن محبت اور عشق کی مستی انسان کا نصیب ہے.

(حضرت واصف علی واصف رح)

 

استقامت کے چولہے پر یقین کی ہانڈی میں صبر کا سالن پکانا پڑتا ہے اور پھر جب سب کچھ جل بُھن جائے تو پھر اسے با رضا و رغبت کھانا بھی پڑتا ہے۔

​

 

منفعت ایک ہے اِس قوم کی نقصان بھی ایک
ایک ہی سب کا نبی ، دین بھی ، ایمان بھی ایک
حرمِ پاک بھی اللہ بھی قرآن بھی ایک
کچھ بڑی بات تھی ہوتے جو مسلمان بھی ایک

 

گدائی اور فقر میں زمین و آسمان کا فرق ہے گدائی مال کی حاجت میں دوسروں کے آگے ہاتھ پھیلا تا ہے جبکہ فقر مادی لذتوں سے بے نیاز کائنات کی تسخیر کرنا، فطرت پر حکمرانی اور مظلوموں کو ظالموں کے پنجے سے نجات دلانا ہے۔

ایک فقر سکھاتا ہے صیاد کو نخچھری
اک فقر سے کھلتے ہیں اسرارِ جہانگیری
اک فقر سے قوموں میں مسکینی و دلگیری
اک فقر سے مٹی میں خاصیت ِ اکسیری

 

اکثر لوگ اپنی گفتگو سے غیبت ، تہمت اور بہتان نکال دیں تو باقی صرف خاموشی رہ جاتی ہے

 

ہر ایک کی سنو اور ہر ایک سے سیکھو

کیونکہ

ہر کوئی سب کچھ نہیں جانتا

لیکن

ہر ایک کچھ نہ کچھ ضرور جانتا ہے

 

وہ باتیں کب تک ُسنے جاؤ گے جو آج تمہیں فقط پسند ہیں وہ باتیں کب کہنے دو گے جو کل تمہارے کام بھی آئیں گی

 

جواب جاہلاں باشد خاموشی

 

کہتے ہیں کہ آنسو ہمارے سچے ساتھی ہوتےہیں لیکن دکھ ہو یا سکھ ۔۔۔۔۔۔ سمجھ میں نہیں آتا کہ ساتھ دے رہے ہیں یا ۔۔۔۔۔۔۔۔۔ ساتھ چھوڑ رہے ہیں۔۔۔

​

 

یہ آپکا اپنا تکیہ کلام ہے

 

عفو و درگزر مسلمان کی اہم صفت ہے ، جو ہر مسلمان میں پائی جانی چاہیے

 

جو شخص رسول اﷲ ﷺکی فرمانبرداری کریگا تو بے شک اس نے اﷲ کی فرمانبرداری کی
( سورۃ النساء : ۸۰)

 

کبھی کبھی ایسا بھی ہوتا ہے کہ سکون کیلئے دوا کی نہیں بلکہ کسی کے لفظوں کی اشد ضرورت ہوتى ہے
اگر لہجے شیریں ہوں تو لفظ شفا دیتے ہیں

 

تعلیم کو عام کرنے کےلیے اپنے گھر یا آفس سے قریب آباد غریب اور مفلس بچوں کی مالی یا اخلاقی امداد کریں۔

 

کسی بھی ایک بچے کو پڑھا کر معاشرے میں اپنا کردار ادا کر کے معاشرے کی بہتری کے لیے کام کرنا چاہیے

 

آپ صلی اللہ علیہ و آلہ وسلم نے فرمایا :

“ مال میں اپنے سے کمتر لوگوں کو دیکھو اور نیکیوں میں اپنے سے برتر لوگوں کو دیکھو۔ تاکہ تم اللہ کی اُن نعمتوں کو حقیر نہ سمجھو جو اُس نے تمہیں دی ہیں۔“

 

برائی کو خود میں اور اچھائی کو دوسروں میں تلاش کرو یہی آپ کی سب سے بڑھی اچھائی ہے

 

اگر عقل تمہارے اندر غرور اور تکبر پیدا کرے تو نادان بن جاؤ تاکہ ایمان سلامت رہے۔ (مولانا روم)

​

 

‏کچھ لوگوں سے
‏آپ کے خون کے رشتے نہیں ہوتے
‏مگر پھر بھی وہ لوگ آپ کے دل
‏اور احساس میں اپنی جگہ ایسے بنا لیتے ہیں
‏جیسے وہ آپ کے اپنے ہوں اور ہمیشہ سے آپ کے ساتھ رہ رہے ہوں

 

محبت کم از کم آپ کو اپنے ارگرد کے ماحول سے بے خبر تو کر ہی دیتی ہے۔
2013 میں شائع ہونے والی ایک تحقیق کے مطابق جو لوگ محبت میں گرفتار ہوتے ہیں
ان کے اندر کسی کام کو کرتے وقت زیادہ توجہ مرکوز کرنے اور اسے پورا کرنے میں ناکام رہتے ہیں۔
ان کی مشکل اس وقت مزید بڑھ جاتی ہے جب انہیں کوئی خاص وقت میں کام کرنا ہوتا ہے۔

 

جنازہ رہبری کرتا ہے پیچھے چلنے والوں کی ۔ ۔ ۔
انہیں وہ راستہ دکھاتا ہے جسے وہ بھول بیٹھے ہیں

 

نبی کریم روف الرحیم خاتم النبین سرکار دوجہاں ﷺ نے فرمایا ’’ تم میں سے بہتر شخص وہ ہے جو دوسروں کے لیے فائدہ مند ہو‘‘۔

 

ماں سے محبت کرو کیونکہ ماں کی پریشانی دیکھ کر اللہ پاک نے صفا مروہ کو حج کا رکن بنا دیا

 

حقوق کی جدوجہد کے لئے آہنی عزم درکار ہوتا ہے ۔ جب ارادے پختہ اور نظریں منزل پر منجمد ہوں ۔ صفوں میں اتحاد اور حقوق کی خاطر سب کچھ قربان کرنے کا جذبہ غالب ہو تو پھر چاہیے راہ کتنی ہی دشوار گزار اور حالات کتنے ہی کٹھن کیوں نہ ہوں ۔
آزادی ضرور مقدر بنتی ہے ۔

 

ہم سب انسان ہیں

 

اگر تمہاری ماں تمہارے غصے کی وجہ سے تم سے بات کرتے ہوئے ڈرتی ہے تو پھر تم افسوس کرو ، کیونکہ تم نے اپنے ہاتھوں سے مغفرت کا دروازہ بند کردیا ۔

 

میں کسی صورت بھی جنگ کے حق میں نہیں ہوں اور دنیا کی ہر اس فوج سے نفرت کرتا ہوں جو اپنے ملک کی سرحدوں کی حفاظت کے علاوہ کوئی اور کام کر رہی ہے

 

اگر تم بلندیوں کو چھونا چاہتے ہو تو اپنے دل میں انسانیت کے لیے نفرت کی بجائے محبت آباد کرو