کوشش سے بھی ہوتی نہیں کم شان مدینہ ۔ محمد حمزہ "شیدا"

کوشش سے بھی ہوتی نہیں کم شان مدینہ
پاگل ہوئے جاتے ہیں حریفان مدینہ

اس شہرکی عظمت پہ کوئی انگلی
اٹھائے
برداشت کریں کیسےمحبان مدینہ

ہم کہکے انہیں جان مدینہ کریں محدود؟؟
وہ جان جہاں ہیں ،،نہ فقط جان مدینہ

پھر عید مناؤں گا میں فردوس بریں میں
قسمت میں خدا لکھ دے تو رمضان مدینہ

حسنین کریمین کی کیا شان بیاں ہو
لولوئے مدینہ ہیں یہ مرجان مدینہ

ہیں پھول کی صورت جہاں زہرا، علی، حسنین
شیدا وہی گلدان ہے __ گلدان مدینہ

روضے کے قریں ہو ترا "شیدائے گنہگار"
جاری رہے سر پر مرے باران مدینہ

محمد حمزہ "شیدا"​

 

اللہ تعالیٰ آپ کو بھی جزائے خیر عطا کرے آمین