کوئی تو ہے جو نظامِ ہستی چلا رہا ہے ، وہی خدا ہے

کوئی تو ہے جو نظامِ ہستی چلا رہا ہے ، وہی خدا ہے
دکھائی بھی جو نہ دے ، نظر بھی جو آرہا ہے وہی خدا ہے

تلاش اُس کو نہ کر بتوں میں ، وہ ہے بدلتی ہوئی رُتوں میں
جو دن کو رات اور رات کو دن بنا رہا ہے ، وہی خدا ہے

وہی ہے مشرق وہی ہے مغرب ، سفر کریں سب اُسی کی جانب
ہر آئینے میں جو عکس اپنا دکھا رہا ہے ، وہی خدا ہے

کسی کو سوچوں نے کب سراہا ، وہی ہوا جو خدا نے چاہا
جو اختیارِ بشر پہ پہرے بٹھا رہا ہے ، وہی خدا ہے

نظر بھی رکھے ،سماعتیں بھی ، وہ جان لیتا ہے نیتیں بھی
جو خانہء لاشعور میں جگمگا رہا ہے ، وہی خدا ہے

کسی کو تاجِ وقار بخشے ، کسی کو ذلت کے غار بخشے
جو سب کے ماتھے پہ مہرِ قدرت لگا رہا ہے ، وہی خدا ہے

سفید اُس کا سیاہ اُس کا ، نفس نفس ہے گواہ اُس کا
جو شعلہء جاں جلا رہا ہے ، بُجھا رہا ہے ، وہی خدا ہے​

 

واہ سبحان اللہ! بہت عمدہ۔
مظفر وارثی کا لازوال کلام۔ ۔ ۔

 

شکریہ حارث بن عزیز صاحب

 

سبحان اللہ و بحمدہ سبحان اللہ العظیم

جزاک اللہ ۔۔بہت خوب۔۔

 

شکریہ کاشفی بھائی

 

یہی حمدیہ کلام میرے پسندیدہ گائیک علی عباس کی آواز میں سنئے۔
امید ہے آپ پسند فرمائیں گے۔

[youtube:u5h5rn7b]http://www.youtube.com/watch?v=cYMXrTssioM[/youtube:u5h5rn7b]​

 

بہت اچھی حمد ہے۔ سبحان اللہ
اور کلپ میں اسے پرھا بھی بہت خوب گیا ہے ۔
نصرت مرحوم نے بھی اسے پڑھا ہے۔