کنٹرول لائن پر پاک فوج نے ہمارے افسر کو ہلاک کر دیا‘ بھارتی فوج : الزام بے بنیاد ہے : آئی ایس پی آر

کنٹرول لائن پر پاک فوج نے ہمارے افسر کو ہلاک کر دیا‘ بھارتی فوج : الزام بے بنیاد ہے : آئی ایس پی آر​

​

سرینگر+ راولپنڈی (اے ایف پی+ نوائے وقت رپورٹ) بھارتی فوج نے الزام عائد کیا ہے کہ پاک فوج نے پونچھ کے علاقے میں کنٹرول لائن پر ایک جونیئر کمانڈنگ افسر بچن سنگھ کو گولی مارکر ہلاک کر دیا ہے۔ ایک سینئر بھارتی فوجی اہلکار نے نام نہ بتانے کی شرط پر اے ایف پی سے گفتگو کرتے ہوئے کہاکہ سرحد پار سے اچانک فائرنگ میں ہمارا فوجی افسر مارا گیا ہے۔ بچن سنگھ پونچھ کے علاقے فوایان سیکٹر میں تعینات تھا۔ مقبوضہ کشمیر میں تعینات ایک اور سینئر بھارتی فوجی افسر راجیش کالیا نے کہا کہ اس تازہ ترین حملہ کو جنگ بندی لائن کی خلاف ورزی قرار نہیں دیا گیا۔ اس حوالے سے تحقیقات جاری ہیں۔ دریں اثناءفوجی ترجمان نے کنٹرول لائن پر بلااشتعال فائرنگ کا بھارتی الزام مسترد کر دیا ہے۔ ترجمان آئی ایس پی آر کا کہنا ہے کسی پاکستانی فوجی نے بھارتی پوزیشنوں پر فائرنگ نہیں کی۔ لائن آف کنٹرول پر فائرنگ کا بھارتی الزام بے بنیاد ہے اسے مسترد کرتے ہیں۔​

​

بشکریہ - نوائے وقت​

​