کلی وہ دل میں کِھلی ہے درود پڑھتے ہیں ۔ خالد ندیم شانی

کلی وہ دل میں کِھلی ہے درود پڑھتے ہیں
عظیم تر یہ خوشی ہے درود پڑھتے ہیں

ہمیں تو اسمِ محمدﷺ ہی اسمِ اعظم ہے
سو جب بھی جاں پہ بنی ہے درود پڑھتے ہیں

خدا کے قرب کا سب سے حسین رستہ ہے
خبر یہ جب سے ملی ہے درود پڑھتے ہیں

ہم انؐ کی یاد کے بارے میں کیا بتائیں تمھیں
کہ جب بھی سانس چلی ہے درود پڑھتے ہیں

ہر ایک دل کو میسر کہاں ہے عشقِ نبیﷺ
ہماری بخت وری ہے درود پڑھتے ہیں

فراق و وصل بہم اس طرح سے ہوتے ہیں
ہماری آنکھ " لگی" ہے درود پڑھتے ہیں
-----
خالد ندیم شانی
​

 

ہمیں تو اسمِ محمدﷺ ہی اسمِ اعظم ہے
سو جب بھی جاں پہ بنی ہے درود پڑھتے ہیں​

 

خدا کے قرب کا سب سے حسین رستہ ہے​

خبر یہ جب سے ملی ہے درود پڑھتے ہیں​

​

 

ہم انؐ کی یاد کے بارے میں کیا بتائیں تمھیں
کہ جب بھی سانس چلی ہے درود پڑھتے ہیں​

 

ہر ایک دل کو میسر کہاں ہے عشقِ نبیﷺ
ہماری بخت وری ہے درود پڑھتے ہیں
​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین