کعبہ کا کعبہ شہر ، شہہِ دوسرا کا ہے۔۔عباس عدیمؔ قریشی

صلی اللہ علیہ وآلہ وسلم
کعبہ کا کعبہ شہر ، شہہِ دوسرا کا ہے​

بیمارِ عشق ، دیکھ یہی در شفا کا ہے

نغمہ فضائے شوق میں بادِ صبا کا ہے
ہر سمت غلغلہ یہاں صلِ علیٰ کا ہے

ملتی ہے ہر مراد یہاں بھر لو جھولیاں
منگتو ! یہی تو در شہہِ جود و سخا کا ہے

مشکل پڑی تو حل ہوئی ان کے ہی نام سے
مشکل کشا تو نام ہی مشکل کشا کا ہے

چلتا ہے کائنات میں سکہ حضور کا
قطبِ جہاں تو مرتبہ ان کے گدا کا ہے

صدقات بٹ رہے ہیں زمانے میں آپ کے
صدقہ یہ کائنات ہی مدنی پیا کا ہے

انوار ، کائنات میں سارے انہی کے ہیں
ہاں نور ، دوجہان میں نور الہدیٰ کا ہے

ایسا نوازا دولتِ عشقِ رسول ﷺ نے !!
چرچا ، جہانِ عشق میں احمد رضا کا ہے

آقاﷺ طفیلِ مرشدِ کامل نواز دیں
ہے بھیک کا سلیقہ نہ ہی التجا کا ہے

میں مبتلائے درد ہوں مژدہ شفا کا دیں
آقا ! سوال آپ سے اک مبتلا کا ہے

اعزازِ نعت گوئی بھی ان سے ملا عدیمؔ
تجھ کو شعور ، کب بھلا ان کی ثناء کا ہے
------
عباس عدیمؔ قریشی
مجموعہ نعتﷺ " اغثنی "​

 

اللہ تعالیٰ آپ کو بھی جزائے خیر عطا کرے آمین

 

ملتی ہے ہر مراد یہاں بھر لو جھولیاں
منگتو ! یہی تو در شہہِ جود و سخا کا ہے​

 

صدقات بٹ رہے ہیں زمانے میں آپ کے
صدقہ یہ کائنات ہی مدنی پیا کا ہے​

 

انوار ، کائنات میں سارے انہی کے ہیں
ہاں نور ، دوجہان میں نور الہدیٰ کا ہے​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرےآمین