کشمیر، جنت نظیر

ڈل جھیل میں شکارے کا ایک منظر
---------------------------------
وادی کشمیر میں سردی اچانک بڑھ گئی ہے، اور راتیں سرد ہونے لگی ہیں۔
محکمہ موسمیات کے مطابق سنیچر کی رات سری نگر کا درجہ حرارت صفر سے 4.4 ڈگری نیچے تھا۔

سبزی فروش اپنی منزل کی جانب شکارے پر سوار ہاتھ میں پتوار
--------------------------------------------------
ڈل جھیل کے کئی حصے کئی دن پہلے سے ہی منجمد ہونے لگے تھے، لیکن ایک دن صبح جب میں وہاں پہنچا اور شكارے پر سوار ہو کر ڈل کی سیر کو نکلا تب بھی ڈل کے خوبصورت مناظر جداگانہ اور مختلف رنگ پیش کر رہے تھے۔

 

نقل مکانی کرنے والی چڑیاں دانے دنکے کی تلاش میں
------------------------------------------
ایک طرف جہاں بیرون ملک سے نقل مکانی کر کے آنے والے پرندے موسم سرما کی صبح دانے دنکے کی تلاش میں نکلے تھے، وہیں دوسری جانب مقامی سبزی فروش شكاروں میں سبزیاں بھر کر اپنی منزل کی جانب رواں تھے۔

کسی نے بتایا کہ چند روز پہلے ہی وہاں کسی فلم کی شوٹنگ ہوئی تھی اور پلاسٹک کے پھولوں کو ایک شكارے میں ڈال کر گرمی کا شاٹ لیا گیا تھا۔
شوٹنگ کے دوران سبزی سے لدے شكارے دکھانے کی بات بھی اسی شخص نے مجھے بتائی۔ لیکن میرے سامنے تو جو ہو رہا تھا وہ حقیقی تھا۔ اسے کوئی ڈائریکٹ نہیں کر رہا تھا۔

 

سیاحت یہاں کا اہم کاروبار ہے
--------------------------------------
اس موسم میں سیاحوں کا آنا موسم گرما کے مقابلے میں کم ہو جاتا ہے۔
سیاحت کے شعبے سے منسلک لوگوں کا کہنا ہے کہ اس بار اتنے سیاح نہیں آئے جتنے گذشتہ برسوں کے دوران آتے رہے ہیں۔

اس سال برسات میں آنے والے سیلاب سے سری نگر میں زندگی بری طرح متاثر ہوئی ہے
---------------------------------------------------------------
ان کا کہنا ہے کہ سیلاب میں ڈل جھیل برباد ہو گئی۔ اطلاعات کے مطابق سیلاب سے اس جھیل کے کنارے سے گزرنے والی سڑک غرقاب ہو گئی تھی اور بعض ہاؤس بوٹس کو بھی نقصان پہنچا تھا۔

 

اس سال سیاحوں کی آمد میں کمی کی شکایت عام ہے
------------------------------------------
تاہم یہ جھیل ایک بار پھر سے اپنے پرانے حسن کی جانب لوٹ رہی ہے۔
http://www.bbc.co.uk/urdu/regional/2014/12/141222_kashmir_picutres_dal_lake_mb